SMS
30. júlí 2019Argentína: Stöndum með fólkinu sem berst fyrir afglæpavæðingu þungunarrofs
Glæpavæðing þungunarrofs kemur ekki í veg fyrir að fólk sæki sér slíka þjónustu heldur gerir hana einungis mun óöruggari. Í Argentínu, eins og mörgum öðrum löndum, er þungunarrof refsivert nema í undantekningartilfellum.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Fólk sem getur ekki haldið meðgöngu áfram eða vill binda enda á þungun er oft neytt til að taka óhugsandi ákvörðun um annaðhvort að setja líf sitt í hættu eða fara í fangelsi. Vegna þessa eru hálf milljón einstaklinga í hættu árlega í Argentínu vegna skorts á aðgengi að öruggu og löglegu þungunarrofi.Frá árinu 1983 hafa meira en 3.000 einstaklingar dáið vegna þungunarrofs.
Í Tucamán-héraði var 11 ára stelpu neitað um rétt sinn um þungunarrof eftir að hafa verið nauðgað af sambýlismanni ömmu sinnar. Þegar hún leitaði á spítala til að binda enda á þungunina bar heilbrigðisstarfsfólki skylda til að vernda líf hennar og heilsu. Hins vegar var hún ítrekað hindruð í því og henni neitað um réttinn til þungunarrofs.
SMS-félagar standa með fólkinu í Argentínu sem berst fyrir aðgengi að öruggu og löglegu þungunarrofi.
Í febrúar síðastliðnum þurfti stúlkan að gangast undir neyðarkeisaraskurðaðgerð sem auðveldlega hefði verið hægt að koma í veg fyrir. Þess í stað var hún beitt grimmilegu óréttlæti sem olli henni gífurlegum skaða á líkama og sál.
Þetta hörmulega mál er sönnun þess að breytinga er þörf á þessum harkalegu refsilögum í Argentínu!
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu