SMS
30. mars 2021Næstum ein milljón Róhingja býr í niðurníddum flóttamannabúðum í Cox Bazar í Bangladess eftir að hafa flúið heimili sín í Mjanmar vegna glæpa hersins gegn mannkyninu. Þessir glæpir eru nú til skoðunar hjá Alþjóðadómstólnum í Haag.
Kórónuveirufaraldurinn hefur gert aðstæður Róhingja í flóttamannabúðum enn þungbærari. Aðgengi að heilbrigðisþjónustu er skert vegna tungumálaörðugleika, slæmrar meðferðar frá heilbrigðisstarfsfólki og vöntun á upplýsingum um heilbrigðisþjónustu sem þeim á að standa til boða.
Taktu þátt í starfi Amnesty og skráðu þig í sms-aðgerðanetið hér!
Fleiri en 100 Róhingjar hafa verið teknir af lífi án dóms og laga frá árunum 2017 – 2020 samkvæmt mannréttindastamtökunum Odhikar í Bangladess.
Flóttafólk hefur greint frá því að gaddavírsgirðingar kringum búðirnar geri líf fólks erfiðara fyrir og er stórhættulegt í eldsvoðum. Þúsundir Róhingja hafa verið þvingaðir til Bhashan Char, afskekktrar sandeyju í Bengal-flóa en yfirvöld ætla að flytja um 100 þúsund einstaklinga á eyjuna.
Framtíð næstum hálfrar milljónar Róhingja barna er döpur en þau fá nánast enga menntun. Árlega leggur fjöldi Róhingja á sig hættulegar bátsferðir frá Bangladess til nærliggjandi landa í von um betra líf frá erfiðum aðstæðum.
Í áratugi hefur Róhingjum í Mjanmar verið neitað um ríkisborgararétt, ferðafrelsi og aðgengi að menntun, störfum og heilbrigðisþjónustu. Stjórnvöld í Bangladess geta valdeflt þennan hóp með því að gefa þeim rödd og virða mannréttindi þeirra.
SMS-félagar krefjast þess að stjórnvöld í Bangladess leyfi Róhingjum að taka þátt í ákvarðanatöku sem snýr að þeirra eigin lífi til að tryggt sé að mannréttindi þeirra séu vernduð.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu