SMS
28. janúar 2021Rússland: Leysið samviskufangann Alexei Navalny úr haldi
Þann 17. janúar síðastliðinn var aðgerðasinninn og stjórnarandstæðingurinn Alexei Navalny handtekinn á flugvellinum í Moskvu. Hann rétt komst lífs af í ágúst 2020 eftir að eitrað var fyrir honum en hann hefur verið að jafna sig í Þýskalandi síðustu 5 mánuði. Hann er samviskufangi og var handtekinn að geðþótta af pólitískum ástæðum.
Taktu þátt í starfi Amnesty og skráðu þig í sms-aðgerðanetið hér!
Alexei Navalny er rússneskur stjórnmálamaður sem hefur barist gegn spillingu og verið áberandi í gagnrýni á rússnesk stjórnvöld. Hann stofnaði samtök gegn spillingu í Rússlandi árið 2011 (þekkt sem FBK) sem hafa leitt rannsóknir og birt fjölmargar skýrslur um spillingu þar í landi. Alexei og annað starfsfólk samtakanna hafa verið beitt ýmsum refsiaðgerðum af hálfu stjórnvalda í tengslum við störf sín. Alexei hefur meðal annars verið handtekinn í fjölda skipta. Hann hefur setið 10 mánuði í stofufangelsi. Amnesty International hefur margoft skilgreint hann sem samviskufanga.
Alexei veiktist alvarlega í ágúst 2020 í flugi frá Tomsk í Síberíu til Moskvu og þurfti að nauðlenda vélinni til að flytja hann á sjúkrahús en þá var hann orðinn meðvitundarlaus. Tveimur dögum síðar var hann fluttur, enn í dái, á spítala í Berlín og var hann í fimm mánuði í Þýskalandi að jafna sig. Sérfræðingar í Þýskalandi komust að þeirri niðurstöðu að honum hefði verið byrlað taugaeitrið Novichok. Grunur er um að rússnesk stjórnvöld eigi þar hlut að máli.
SMS-félagar krefjast þess að Alexei Navalny verði látinn laus skiliyrðislaust og án tafar.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu