Alsír

Verjum réttinn til að mótmæla

Alsírsk stjórn­völd nýta sér kórónu­veirufar­ald­urinn til að herja á aðgerða­sinna, fang­elsa stjórn­ar­and­stæð­inga og þagga niður í fjöl­miðlum.

Hirak-mótmæla­hreyf­ingin hefur staðið fyrir frið­sam­legum mótmælum frá því í febrúar 2019. Á mótmæl­unum er kallað eftir róttækum póli­tískum breyt­ingum í Alsír en mótmælin hafa mætt hörðum viðbrögðum stjórn­valda.

Hirak-mótmæla­hreyf­ingin hefur mætt áfram­hald­andi aðkasti stjórn­valda þrátt fyrir að dregið hafi úr mótmæla­að­gerðum vegna áhættu á fjölda­smiti á tímum kórónu­veirufar­ald­ursins. Stjórn­völd hafa herjað á Hirak-mótmæla­hreyf­inguna með hand­tökum og fang­els­unum. Sjórn­völd eru ekki einungis að refsa þeim fyrir að nýta tján­ing­ar­frelsið heldur einnig að stofna heilsu þeirra í hættu vegna áhættu á fjölda­smitum í fang­elsum.

Frá 7. mars til 13. apríl voru tuttugu aðgerða­sinnar kall­aðir í yfir­heyrslu af lögregl­unni, hand­teknir eða haldið í varð­haldi fyrir rétt­ar­höld eða ásak­aðir einungis á þeim grunni að hafa nýtt sér rétt til tján­ingar og frið­sam­legra mótmæla. Enn í dag eru 32 meðlimir Hirak-mótmæla­hreyf­ing­ar­innar í varð­haldi af geðþótta­ástæðum.

Stjórn­völd verða að binda enda á þessa aðför gegn frið­sam­legum mótmæl­endum, fjöl­miðla­fólki og aðgerða­sinnum. Það verður að leysa úr haldi alla einstak­linga sem er haldið fyrir það eitt að nýta sér rétt til tján­ingar og frið­sam­legra mótmæla.

Það verður einnig að fella niður ákærur á hendur þeim. Skrifaðu undir ákall Amnesty Internati­onal til verndar tján­ing­ar­frelsinu í Alsír og krefstu þess að alsírsk stjórn­völd stöðvi varð­höld að geðþótta á Hirak-mómæl­endum og leysi frið­sam­lega mótmæl­endur tafar­laust úr haldi án skil­yrða.

Nánari upplýs­ingar má finna í þessari frétt.

Þau þurfa þína hjálp!

Þín undirskrift getur bjargað mannslífi

Færeyjar

Réttur til þungunarrofs ekki virtur

Alþjóðadagur öruggs þungunarrofs er ár hvert 28. september. Á þeim degi er sjálfræði yfir eigin líkama fagnað og vakin athygli á því að réttur til þungunarrofs er víða takmarkaður. Færeyjar eru eina þjóðin á Norðurlöndunum þar sem konur geta ekki tekið sjálfstæða ákvörðun um þungunarrof. Færeysk þungunarrofslög eru með þeim ströngustu í Evrópu. Við krefjumst þess að færeyskar stúlkur, konur og ólétt fólk fái að njóta réttarins til þungunarrofs.

Kína

Fjöldahandtökur í Xinjiang

Í Xinjiang, sem er kínverskt sjálfstjórnarhérað Úígúra, eru að minnsta kosti 120 einstaklingar úr múslímskum minnihlutahópum í fangelsi án réttlátrar málsmeðferðar eða í fangabúðum. Skrifaðu undir og krefstu þess að kínversk stjórnvöld leysi þennan hóp fólks í Xinjiang-héraði úr haldi.

Sri Lanka

Stöðvum aðför að friðsömum mótmælendum í Srí Lanka

Á meðan efnahagskreppa og erfiðleikar dynja yfir Srí Lanka hafa yfirvöld þar í landi beitt harkalegum aðgerðum gegn mótmælum og skrímslavætt mótmælendur. Ranil Wickremesinghe, forseti Sri Lanka, verður samstundis að hætta að kúga, ógna og refsa friðsömum mótmælendum.

Rússland

Mannréttindalögfræðingar sviptir málflutningsleyfi

Rússnesk yfirvöld afturkölluðu málflutningsleyfi Lilya Gemedzhi, Rustem Kyamilev og Nazim Sheikhmambetov í refsingarskyni vegna mannréttindastarfa lögfræðinganna í þágu aðgerðasinna af þjóðarbroti Tatara á Krímskaganum. Skrifaðu undir ákall um að svipting málflutningsleyfi þeirra verði afturkölluð.

Bandaríkin

Bandaríkin: Verndið réttinn til þungunarrofs

Hæstiréttur Bandaríkjanna hefur snúið við fordæmi dóms sem verndaði réttinn til þungunarrofs í landinu. Krefjumst þess að ríkisstjórar í öllum ríkjum Bandaríkjanna komi í veg fyrir þungunarrofsbann og verndi réttinn til þungunarrofs. 

Katar

Krefjumst þess að FIFA gefi Katar rauða spjaldið fyrir misbeitingu farandverkafólks

Fyrir tilstuðlan farandverkafólks getur draumur Katar um að halda heimsmeistaramótið í fótbolta orðið að veruleika. FIFA ber skylda til að bregðast við og nota áhrif sín til að hvetja Katar til að vernda farandverkafólk. Þrátt fyrir að einhver árangur hefur náðst er enn langt í land. Krefjumst þess að FIFA gefi Katar rauða spjaldið fyrir misbeitingu farandsverkafólks!

Rússland

Stöðvið árásina og verndið almenning í Úkraínu

Hörmungar og mannréttindaneyð dynur á Úkraínubúum. Nú þegar hafa fullorðnir og börn látið lífið og líf fleiri þúsunda eru í hættu. Krefstu þess að rússnesk yfirvöld stöðvi þessa árás og verndi almenna borgara núna strax!

Alþjóðlegt

Ríki hætti ólögmætri notkun á njósnabúnaði

Í löndum víðsvegar um heiminn reiða yfirvöld sig sífellt meira á stafrænt eftirlit í þeim tilgangi að áreita eða handtaka einstaklinga sem tjá sig til varnar mannréttindum eða afhjúpa viðkvæmar upplýsingar. Aukning er á stafrænum árásum gegn mannréttindasinnum, fjölmiðlafólki og almennum borgurum. Njósnum, hótunum og þöggun er beitt með því að brjótast inn í stafræn tæki einstaklinga. Þessari aðför verður að linna. Með undirskrift þinni þrýstir þú á stjórnvöldá heimsvísu að bregðast við kröfum um að vernda mannréttindasinna um heim allan.

Bandaríkin

Bandaríkin felli niður ákærur á hendur Julian Assange

Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.