Bangladess

Aðför stjórnvalda að tjáningarfrelsi á netinu

Yfir þúsund einstak­lingar hafa verið hand­teknir í Bangla­dess frá árinu 2018 á grund­velli laga um staf­rænt öryggi (DSA, Digital Secu­rity ACT) fyrir að nýta rétt sinn til tján­ingar á netinu.

Þessum lögum er beitt með kúgandi hætti til að hand­taka einstak­linga sem nota samfé­lags­miðla til að gagn­rýna stjórn­völd, opin­bert starfs­fólk og valda­mikið fólk.

Fjöldi fjöl­miðla­fólks hefur verið kært á grund­velli þessara laga frá janúar 2019 fram til maí 2021, þar af hafa 39 einstak­lingar verið hand­teknir. Lögin um staf­rænt öryggi voru samþykkt árið 2018 en í þeim eru óljós ákvæði sem gera áður löglegar tján­ing­ar­leiðir ólög­mætar.

Einstak­lingar í haldi hafa sætt fjölda mann­rétt­inda­brota fyrir það eitt að nýta rétt sinn til tján­ingar. Þar með talin þvinguð mann­hvörf, einangr­un­ar­vist og pynd­ingar .

Í febrúar á þessu ári lést rithöf­undur sem hafði verið fang­els­aður. Honum var haldið í fang­elsi í tíu mánuði án rétt­ar­halda fyrir að gagn­rýna viðbrögð stjórn­valda við kórónu­veirufar­aldr­inum,

Sérstakir skýrslu­gjafar Sameinuðu þjóð­anna um tján­ing­ar­frelsi og stöðu baráttu­fólks fyrir mann­rétt­indum hafa bent á að skil­greining á tján­ingu er óljós í lögunum um staf­rænt öryggi sem gera stjórn­völdum kleift að refsa fólki með órétt­mætum hætti fyrir persónu­legar skoð­anir.

Samkvæmt lögunum eru meið­yrði ólögleg og einstak­lingar geta átt yfir höfði sér lífs­tíð­ar­fang­elsi fyrir t.d. gagn­rýni á forseta landsins. Ríkis­lög­reglan hefur nýtt sér lögin til að fang­elsa þá sem birta gagn­rýni gegn stjórn­völdum á samfé­lags­miðlum.

Það er kvíða­þrungið andrúms­loft í Bangla­dess þar sem fólk getur átt á hættu að vera hand­tekið vegna skoðana sinna.

Bregstu við og krefstu þess að forsæt­is­ráð­herra Bangla­dess, Sheikh Hasina, felli lögin úr gildi eða endur­bæti í samræmi við alþjóðalög þau ákvæði sem eru notuð til að þagga niður í gagn­rýn­is­röddum.

Lestu meira í skýrslu Amnesty Internati­onal „NO SPACE FOR DISSENT”

Þau þurfa þína hjálp!

Þín undirskrift getur bjargað mannslífi

Rússland

Afnema verður ritskoðunarlög sem kæfa andóf

Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.

Ísrael

Tryggja þarf mannúðaraðstoð til Gaza

Skrifaðu undir og krefstu þess að forsætisráðherra Ísraels komi í veg fyrir að mannúðarneyðin aukist enn frekar og framfylgi úrskurði Alþjóðadómstólsins með því  að tryggja mannúðaraðstoð og læknisaðstoð fyrir alla íbúa Gaza í samræmi við alþjóðalög.

Kólumbía

Verndum mannréttindafrömuði í Kólumbíu

Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

Lýðstjórnarlýðveldið Kongó

Stöðvið þvingaða brottflutninga í Kolwezi

Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.

Venesúela

Leysið úr haldi ranglega fangelsaða Venesúelabúa

Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.

Ísrael

Stöðva þarf tæknivædda aðskilnaðarstefnu gegn Palestínubúum

Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.