Baráttukona fyrir mannréttindum í Kirgistan

Berst fyrir réttindum fólks með fötlun

Gulzar Duis­henova er baráttu­kona. Árið 2002 lenti hún í bílslysi vegna bílstjóra undir áhrifum áfengis og missti í kjöl­farið hreyfigetu í fótleggjum. Ári síðar lést eigin­maður hennar skyndi­lega og hún var þá ein eftir til að sjá um tvö ung börn sín.

Nokkrum árum síðar hitti hún annað fólk með fötlun sem var að skipu­leggja sig í höfuð­borg­inni Bishkek. Hún áttaði sig á því að þau stóðu öll frammi fyrir svip­uðum vanda­málum, meðal annars erfið­leikum við að finna vinnu, því margir vinnu­staðir voru ekki aðgengi­legir fyrir hjóla­stóla, eða að þurfa að reiða sig á aðra til að lyfta sér upp í stræt­is­vagna, sem er niður­lægj­andi reynsla.

Hennar drif­kraftur í lífinu er að tryggja að fólk með fötlun fái að lifa lífinu með reisn og geti ferðast að vild. Hún hefur hitt embætt­is­menn, skipu­lagt þjálfun fyrir stræt­is­vagna­bíl­stjóra og kallað eftir aðgerðum á samfé­lags­miðlum.

En hún stendur enn frammi fyrir hindr­unum. Hún þarf aðstoð við að fara niður stiga við útidyrnar. Gatan hennar er holótt og ójöfn svo hún getur ekki ýtt sér áfram í hjóla­stólnum. Hún verður daglega fyrir mismunun í samfé­lagi þar sem konur eiga ekki að hafa hátt og litið er á fólk með fötlun sem „ónytj­unga“ með ólækn­andi sjúkdóm. En Gulzar lætur ekki þagga niður í sér. Stattu með henni í dag!

Skrifaðu undir bréfið og krefðu þannig stjórn­völd í Kirg­istan um að styðja baráttu Gulzar fyrir breyt­ingum.

Þau þurfa þína hjálp!

Þín undirskrift getur bjargað mannslífi

Kirgistan

Berst fyrir réttindum fólks með fötlun

Gulzar Duishenova er baráttukona. Drifkraftur hennar er að tryggja að fólk með fötlun fái að lifa lífinu með reisn. Hún verður daglega fyrir mismunun í samfélagi þar sem konur eiga ekki að hafa hátt og litið er á fólk með fötlun sem „ónytjunga“.

Indland

Hrelld fyrir að standa upp í hárinu á stórfyrirtækjum

Pavitri Manjhi tilheyrir samfélagi frumbyggja sem á það á hættu að verða rekið af landi sínu til að rýma til fyrir 2 orkuverum. Pavitri stofnaði samtök sem lögðu fram næstum 100 kvartanir. Nú verður hún fyrir hótunum.

Venesúela

Ofsótt fyrir að valdefla ungt fólk

Geraldine Chacón aðstoðar við valdeflingu ungs fólks í heimabyggð sinni og hvetur það til að verja réttindi sín. Hún er hins vegar hundelt af yfirvöldum fyrir það eitt að reyna að bæta lífið í landi sínu.

Kenía

Rekin með valdi af landi forfeðra sinna

Skógarverðir hafa kveikt í heimilum og neytt þúsundir af landi forfeðra Sengwer-fólksins. Einn karlmaður hefur verið skotinn til bana og annar særðist alvarlega.

Suður-Afríka

Áreitt fyrir að vernda land forfeðra sinna

Nonhle Mbuthuma leiðir baráttu fyrir samfélag sitt gegn námufyrirtæki sem vill vinna títaníum á landi forfeðra hennar. Hún er áreitt, henni hótað og hefur lifað af morðtilræði.

Marokkó

Hundelt fyrir að krefjast betra lífs!

Nawal Benaissa berst fyrir bættum mannréttindum í Marokkó, þar sem margir íbúar upplifa afskiptaleysi af hálfu stjórnvalda. Hún hefur sætt árásum af hálfu stjórnvalda og hlaut skilorðsbundinn dóm fyrir að „hvetja til lögbrota“

Íran

Fangelsuð fyrir að berjast gegn dauðarefsingunni

Atena Daemi hefur verið ötul í baráttunni gegn dauðarefsingunni í Íran. Hún skrifaði stöðufærslur á samfélagsmiðlum, dreifði bæklingum og tók þátt í friðsamlegum mótmælum. Hún var dæmd í sjö ára fangelsi.

Egyptaland

Handtekin fyrir að tjá sig um kynferðisáreitni

Þann 9. maí síðastliðinn birti Amal Fathy vídeó á Facebook þar sem hún deildi reynslu sinni af kynferðislegri áreitni, vakti athygli á umfangi vandans í Egyptalandi og gagnrýndi stjórnvöld fyrir að vernda ekki konur. Hún var handtekin í kjölfarið.