Baráttukona fyrir mannréttindum í Úkraínu

Hatrömm árás á unga baráttukonu sem ver réttindi hinsegin fólks

Vitalina Koval hefur lengi viljað koma á jákvæðum breyt­ingum í samfé­laginu. Hún nýtir ómælda elju sína og styrk til að styðja við bakið á hinsegin fólki á heima­slóðum sínum í borg­inni Uzhg­orod í Úkraínu. Vitalina, ásamt öðrum aðgerða­sinnum, varð hins vegar fyrir hrotta­feng­inni árás af hálfu öfga­hægri­hóps fyrir það eitt að tala opin­ber­lega gegn hatri.

Þann 8. mars 2018, á alþjóð­legum baráttu­degi kvenna, átti Vitalina þátt í að skipu­leggja frið­sam­lega kröfu­göngu til stuðn­ings rétt­indum kvenna og hinsegin fólks. Áður en kröfu­gangan hófst full­vissaði lögreglan hana um að mótmæl­endur myndu njóta fullrar verndar í göng­unni. Þegar baráttu­dag­urinn rann upp tók hópur einstak­linga sem tilheyra öfga­hægri­hópnum ‘Karpatska Sich’ sig saman, hrópaði ókvæð­isorðum að Vitalinu og köstuðu rauðri máln­ingu yfir hana með þeim afleið­ingum að hún blind­aðist nánast. Frá því að mótmæla­gangan fór fram í mars 2018 hefur Vitalina ásamt öðrum sætt hótunum og vinum hennar verið hótað og þeim veitt eftirför á leið heim til sín. Tveir aðgerða­sinnar greindu frá ofbeldi sem þeir urðu fyrir í kjölfar þess að vera veitt eftirför.

Árás­irnar eru hluti af stærri árása­hrinu og ógnunum af hálfu öfga­hægri­hópa í Úkraínu sem halda því fram að þau gildi sem einstak­lingar eins og Vitalina hafa í hávegum séu „óheil­brigð“. Vitalina og annað baráttu­fólk fyrir mann­rétt­indum neitar að lúta í lægra haldi fyrir hatri og ótta. Stöndum með þeim!

Krefðu stjórn­völd í Úkraínu um að vernda Vitalinu og aðra aðgerða­sinna sem verja rétt­indi kvenna og hinsegin fólks.

Þau þurfa þína hjálp!

Þín undirskrift getur bjargað mannslífi

Kirgistan

Berst fyrir réttindum fólks með fötlun

Gulzar Duishenova er baráttukona. Drifkraftur hennar er að tryggja að fólk með fötlun fái að lifa lífinu með reisn. Hún verður daglega fyrir mismunun í samfélagi þar sem konur eiga ekki að hafa hátt og litið er á fólk með fötlun sem „ónytjunga“.

Indland

Hrelld fyrir að standa upp í hárinu á stórfyrirtækjum

Pavitri Manjhi tilheyrir samfélagi frumbyggja sem á það á hættu að verða rekið af landi sínu til að rýma til fyrir 2 orkuverum. Pavitri stofnaði samtök sem lögðu fram næstum 100 kvartanir. Nú verður hún fyrir hótunum.

Venesúela

Ofsótt fyrir að valdefla ungt fólk

Geraldine Chacón aðstoðar við valdeflingu ungs fólks í heimabyggð sinni og hvetur það til að verja réttindi sín. Hún er hins vegar hundelt af yfirvöldum fyrir það eitt að reyna að bæta lífið í landi sínu.

Kenía

Rekin með valdi af landi forfeðra sinna

Skógarverðir hafa kveikt í heimilum og neytt þúsundir af landi forfeðra Sengwer-fólksins. Einn karlmaður hefur verið skotinn til bana og annar særðist alvarlega.

Suður-Afríka

Áreitt fyrir að vernda land forfeðra sinna

Nonhle Mbuthuma leiðir baráttu fyrir samfélag sitt gegn námufyrirtæki sem vill vinna títaníum á landi forfeðra hennar. Hún er áreitt, henni hótað og hefur lifað af morðtilræði.

Marokkó

Hundelt fyrir að krefjast betra lífs!

Nawal Benaissa berst fyrir bættum mannréttindum í Marokkó, þar sem margir íbúar upplifa afskiptaleysi af hálfu stjórnvalda. Hún hefur sætt árásum af hálfu stjórnvalda og hlaut skilorðsbundinn dóm fyrir að „hvetja til lögbrota“

Íran

Fangelsuð fyrir að berjast gegn dauðarefsingunni

Atena Daemi hefur verið ötul í baráttunni gegn dauðarefsingunni í Íran. Hún skrifaði stöðufærslur á samfélagsmiðlum, dreifði bæklingum og tók þátt í friðsamlegum mótmælum. Hún var dæmd í sjö ára fangelsi.

Egyptaland

Handtekin fyrir að tjá sig um kynferðisáreitni

Þann 9. maí síðastliðinn birti Amal Fathy vídeó á Facebook þar sem hún deildi reynslu sinni af kynferðislegri áreitni, vakti athygli á umfangi vandans í Egyptalandi og gagnrýndi stjórnvöld fyrir að vernda ekki konur. Hún var handtekin í kjölfarið.