Baráttukona fyrir mannréttindum í Marokkó

Hundelt fyrir að krefjast betra lífs!

Nawal Benaissa er reiðu­búin að verja það sem hún trúir á. Hún berst fyrir félags­legu rétt­læti og betri heil­brigð­is­þjón­ustu í sínum lands­hluta í Rif í Marokkó, þar sem margir íbúanna upplifa algjört afskipta­leysi af hálfu stjórn­valda. Nawal er meðal nokk­urra einstak­linga sem gegna forystu innan vinsællar hreyf­ingar í Marokkó sem kallast Hirak og sem einn leið­toga hennar hefur hún staðið fyrir frið­sam­legum mótmælum og barist fyrir umbótum á samfé­lags­miðlum.

Í hverju skrefi hefur Nawal sætt árásum af hálfu stjórn­valda í Marokkó í tilraun þeirra til að þagga niður í henni. Stjórn­völd hand­tóku hana fjórum sinnum á fjög­urra mánaða tíma­bili, héldu henni í varð­haldi og kröfðust þess að Nawal lokaði vinsælli Face­book-síðu sinni sem er með 80.000 fylgj­endur.

Í febrúar 2018 hlaut Nawal tíu mánaða skil­orðs­bundinn dóm og sekt fyrir að „hvetja til lögbrota“. Hún hefur áfrýjað dómnum en árásir á hendur henni af hálfu stjórn­valda halda áfram. Nawal flúði til annarrar borgar í Marokkó til að komast hjá stöðugu eftir­liti.

Meðferðin á Nawal er hluti af stór­felldri herferð stjórn­valda gegn Hirak-hreyf­ing­unni og leið­togum hennar. Örygg­is­sveitir í Marokkó hafa hand­tekið hundruð frið­samra mótmæl­enda, nokkra fyrir það eitt að tjá stuðning sinn við hreyf­inguna á Face­book.

Lausnin er ekki einföld fyrir Nawal en hún óskar þess eins að vera frjáls til að heyja baráttu sína fyrir betri framtíð fyrir sig og börnin sín.

Krefðu forsæt­is­ráð­herra Marokkó um að koma í veg fyrir frekari árásir af hálfu stjórn­valda á Nawal.

Þau þurfa þína hjálp!

Þín undirskrift getur bjargað mannslífi

Kirgistan

Berst fyrir réttindum fólks með fötlun

Gulzar Duishenova er baráttukona. Drifkraftur hennar er að tryggja að fólk með fötlun fái að lifa lífinu með reisn. Hún verður daglega fyrir mismunun í samfélagi þar sem konur eiga ekki að hafa hátt og litið er á fólk með fötlun sem „ónytjunga“.

Indland

Hrelld fyrir að standa upp í hárinu á stórfyrirtækjum

Pavitri Manjhi tilheyrir samfélagi frumbyggja sem á það á hættu að verða rekið af landi sínu til að rýma til fyrir 2 orkuverum. Pavitri stofnaði samtök sem lögðu fram næstum 100 kvartanir. Nú verður hún fyrir hótunum.

Venesúela

Ofsótt fyrir að valdefla ungt fólk

Geraldine Chacón aðstoðar við valdeflingu ungs fólks í heimabyggð sinni og hvetur það til að verja réttindi sín. Hún er hins vegar hundelt af yfirvöldum fyrir það eitt að reyna að bæta lífið í landi sínu.

Kenía

Rekin með valdi af landi forfeðra sinna

Skógarverðir hafa kveikt í heimilum og neytt þúsundir af landi forfeðra Sengwer-fólksins. Einn karlmaður hefur verið skotinn til bana og annar særðist alvarlega.

Suður-Afríka

Áreitt fyrir að vernda land forfeðra sinna

Nonhle Mbuthuma leiðir baráttu fyrir samfélag sitt gegn námufyrirtæki sem vill vinna títaníum á landi forfeðra hennar. Hún er áreitt, henni hótað og hefur lifað af morðtilræði.

Marokkó

Hundelt fyrir að krefjast betra lífs!

Nawal Benaissa berst fyrir bættum mannréttindum í Marokkó, þar sem margir íbúar upplifa afskiptaleysi af hálfu stjórnvalda. Hún hefur sætt árásum af hálfu stjórnvalda og hlaut skilorðsbundinn dóm fyrir að „hvetja til lögbrota“

Íran

Fangelsuð fyrir að berjast gegn dauðarefsingunni

Atena Daemi hefur verið ötul í baráttunni gegn dauðarefsingunni í Íran. Hún skrifaði stöðufærslur á samfélagsmiðlum, dreifði bæklingum og tók þátt í friðsamlegum mótmælum. Hún var dæmd í sjö ára fangelsi.

Egyptaland

Handtekin fyrir að tjá sig um kynferðisáreitni

Þann 9. maí síðastliðinn birti Amal Fathy vídeó á Facebook þar sem hún deildi reynslu sinni af kynferðislegri áreitni, vakti athygli á umfangi vandans í Egyptalandi og gagnrýndi stjórnvöld fyrir að vernda ekki konur. Hún var handtekin í kjölfarið.