Baráttukona fyrir mannréttindum í Brasilíu

Myrt fyrir að vera óttalaus í baráttu sinni fyrir aðra

Marielle Franco var ótta­laus í baráttu sinn fyrir rétt­látari og öruggari Rio de Janeiro. Hún var vinsæll borg­ar­full­trúi en hún hafði alist upp í fátækra­hverfi og studdi ávallt rétt­indi svartra kvenna, hinsegin fólks og ungs fólks. Hún fordæmdi að auki morð af hálfu lögreglu. „Hún var ávallt í farar­broddi og tókst á við allt af festu,“ segir faðir hennar, Antonio.

Þann 14. mars 2018 var Mariella myrt. Hún var skotin til bana í bíl sínum ásamt bílstjóra sínum, Anderson Pedro Gomes. Sönn­un­ar­gögn benda til þess að morðið hafi verið framið af færum atvinnu­manni og sérfræð­ingar segja að byssu­kúl­urnar hafi tilheyrt bras­il­ísku ríkis­lög­regl­unni.

Bras­ilía er eitt af hættu­leg­ustu löndum fyrir mann­rétt­inda­frömuði eins og Marielle, þar sem að minnsta kosti sjötíu slíkir hafa verið myrtir. Alltof oft eru morðin ekki rann­sökuð og hinir ábyrgu eru frjálsir ferða sinna. Fólk sem berst fyrir mann­rétt­indum lifir í stöð­ugum ótta.

Saman getum við sýnt bras­il­ískum yfir­völdum að við munum ekki hætta fyrr en rétt­lætinu er náð. Þau verða að vernda mann­rétt­inda­frömuði fyrir frekari árásum jafn­framt því að hafa uppi á morð­ingja Marielle. Með orðum systur hennar, Anielle: „Svo lengi sem við höfum styrkinn munum við krefjast rétt­lætis.“

Krefstu rétt­lætis fyrir Marielle í dag.

Þau þurfa þína hjálp!

Þín undirskrift getur bjargað mannslífi

Kirgistan

Berst fyrir réttindum fólks með fötlun

Gulzar Duishenova er baráttukona. Drifkraftur hennar er að tryggja að fólk með fötlun fái að lifa lífinu með reisn. Hún verður daglega fyrir mismunun í samfélagi þar sem konur eiga ekki að hafa hátt og litið er á fólk með fötlun sem „ónytjunga“.

Indland

Hrelld fyrir að standa upp í hárinu á stórfyrirtækjum

Pavitri Manjhi tilheyrir samfélagi frumbyggja sem á það á hættu að verða rekið af landi sínu til að rýma til fyrir 2 orkuverum. Pavitri stofnaði samtök sem lögðu fram næstum 100 kvartanir. Nú verður hún fyrir hótunum.

Venesúela

Ofsótt fyrir að valdefla ungt fólk

Geraldine Chacón aðstoðar við valdeflingu ungs fólks í heimabyggð sinni og hvetur það til að verja réttindi sín. Hún er hins vegar hundelt af yfirvöldum fyrir það eitt að reyna að bæta lífið í landi sínu.

Kenía

Rekin með valdi af landi forfeðra sinna

Skógarverðir hafa kveikt í heimilum og neytt þúsundir af landi forfeðra Sengwer-fólksins. Einn karlmaður hefur verið skotinn til bana og annar særðist alvarlega.

Suður-Afríka

Áreitt fyrir að vernda land forfeðra sinna

Nonhle Mbuthuma leiðir baráttu fyrir samfélag sitt gegn námufyrirtæki sem vill vinna títaníum á landi forfeðra hennar. Hún er áreitt, henni hótað og hefur lifað af morðtilræði.

Marokkó

Hundelt fyrir að krefjast betra lífs!

Nawal Benaissa berst fyrir bættum mannréttindum í Marokkó, þar sem margir íbúar upplifa afskiptaleysi af hálfu stjórnvalda. Hún hefur sætt árásum af hálfu stjórnvalda og hlaut skilorðsbundinn dóm fyrir að „hvetja til lögbrota“

Íran

Fangelsuð fyrir að berjast gegn dauðarefsingunni

Atena Daemi hefur verið ötul í baráttunni gegn dauðarefsingunni í Íran. Hún skrifaði stöðufærslur á samfélagsmiðlum, dreifði bæklingum og tók þátt í friðsamlegum mótmælum. Hún var dæmd í sjö ára fangelsi.

Egyptaland

Handtekin fyrir að tjá sig um kynferðisáreitni

Þann 9. maí síðastliðinn birti Amal Fathy vídeó á Facebook þar sem hún deildi reynslu sinni af kynferðislegri áreitni, vakti athygli á umfangi vandans í Egyptalandi og gagnrýndi stjórnvöld fyrir að vernda ekki konur. Hún var handtekin í kjölfarið.