Sengwer, samfélag frumbyggja í Kenía

Rekin með valdi af landi forfeðra sinna

Sengwer-fólkið í Kenía hefur sterk andleg tengsl við hinn mikil­feng­lega og víðáttu­mikla Embobut-skóg. Þetta er land forfeðra þess og hefur það búið þar öldum saman. Þetta samfélag frum­byggja sem eru býflugna­rækt­endur og naut­gripa­hirðar eru kenísk yfir­völd að reka með valdi af landi sínu.

Í nafni nátt­úru­verndar hafa skóg­ar­verðir og lögregla kveikt í einum 2.600 húsum frá árinu 2012 og gert 4.600 einstak­linga heim­il­is­lausa. Í janúar 2018 var karl­maður skotinn til bana og annar særðist alvar­lega. Ofbeldið er afdrátt­ar­laust brot gegn ítrek­uðum dóms­úrskurðum sem hafa fyrir­skipað vernd frum­byggja­sam­fé­lagsins.

Sengwer-fólkið er að missa heimili sitt, lífs­við­ur­væri og menn­ing­ar­arf­leifð sína. Sumt af fólkinu býr ekki lengur í skóg­inum og hefur verið skilið eftir í örbirgð. Það bitnar mest á konunum þar sem þær basla við að sjá fyrir fjöl­skyldum sínum af því að sumir karl­menn­irnir eru áfram í skóg­inum eða hafa yfir­gefið fjöl­skyldur sínar.

Stjórn­völd segja að þau vilji draga úr skógareyð­ingu en það er ekkert sem bendir til þess að Sengwer-fólkið valdi eyðingu skóg­arins. Það ætti að viður­kenna þetta frum­byggja­sam­félag sem eigendur og verndara Ebobut-skóg­arins þar sem það byggir lífs­við­ur­væri sitt og sjálfs­mynd á honum og hefur sterka andlega teng­ingu við hann. Sengwer-fólkið er stað­ráðið í að veita viðnám. Stattu með því í dag!

Krefðu stjórn­völd í Kenía um að leyfa Sengwer-fólkinu að búa á landi sínu í friði.

Þau þurfa þína hjálp!

Þín undirskrift getur bjargað mannslífi

Kirgistan

Berst fyrir réttindum fólks með fötlun

Gulzar Duishenova er baráttukona. Drifkraftur hennar er að tryggja að fólk með fötlun fái að lifa lífinu með reisn. Hún verður daglega fyrir mismunun í samfélagi þar sem konur eiga ekki að hafa hátt og litið er á fólk með fötlun sem „ónytjunga“.

Indland

Hrelld fyrir að standa upp í hárinu á stórfyrirtækjum

Pavitri Manjhi tilheyrir samfélagi frumbyggja sem á það á hættu að verða rekið af landi sínu til að rýma til fyrir 2 orkuverum. Pavitri stofnaði samtök sem lögðu fram næstum 100 kvartanir. Nú verður hún fyrir hótunum.

Venesúela

Ofsótt fyrir að valdefla ungt fólk

Geraldine Chacón aðstoðar við valdeflingu ungs fólks í heimabyggð sinni og hvetur það til að verja réttindi sín. Hún er hins vegar hundelt af yfirvöldum fyrir það eitt að reyna að bæta lífið í landi sínu.

Kenía

Rekin með valdi af landi forfeðra sinna

Skógarverðir hafa kveikt í heimilum og neytt þúsundir af landi forfeðra Sengwer-fólksins. Einn karlmaður hefur verið skotinn til bana og annar særðist alvarlega.

Suður-Afríka

Áreitt fyrir að vernda land forfeðra sinna

Nonhle Mbuthuma leiðir baráttu fyrir samfélag sitt gegn námufyrirtæki sem vill vinna títaníum á landi forfeðra hennar. Hún er áreitt, henni hótað og hefur lifað af morðtilræði.

Marokkó

Hundelt fyrir að krefjast betra lífs!

Nawal Benaissa berst fyrir bættum mannréttindum í Marokkó, þar sem margir íbúar upplifa afskiptaleysi af hálfu stjórnvalda. Hún hefur sætt árásum af hálfu stjórnvalda og hlaut skilorðsbundinn dóm fyrir að „hvetja til lögbrota“

Íran

Fangelsuð fyrir að berjast gegn dauðarefsingunni

Atena Daemi hefur verið ötul í baráttunni gegn dauðarefsingunni í Íran. Hún skrifaði stöðufærslur á samfélagsmiðlum, dreifði bæklingum og tók þátt í friðsamlegum mótmælum. Hún var dæmd í sjö ára fangelsi.

Egyptaland

Handtekin fyrir að tjá sig um kynferðisáreitni

Þann 9. maí síðastliðinn birti Amal Fathy vídeó á Facebook þar sem hún deildi reynslu sinni af kynferðislegri áreitni, vakti athygli á umfangi vandans í Egyptalandi og gagnrýndi stjórnvöld fyrir að vernda ekki konur. Hún var handtekin í kjölfarið.