Ekvador

Verndum umhverfissinna í Amason-regnskóginum

Þær Patricia Gual­inga, Nema Grefa, Salomé Aranda og Margoth Escobar hætta lífi sínu og fjöl­skyldna sinna daglega við störf sín í Amason-skóg­inum. Störf þeirra felast í því að vernda stærsta regn­skóg heims með því að berjast gegn póli­tískum og efna­hags­legum öflum sem tengjast jarð­efna­vinnslu á land­svæðum frum­byggja í Amason.

Árið 2018 urðu þær fyrir ítrek­uðum árásum og fengu morð­hót­anir frá ónafn­greindum aðilum. Meira en ár er liðið frá þessum árásum og hafa stjórn­völd í Ekvador brugðist skyldu sinni að vernda þær og finna hina seku.

Tugir hópa sem saman­standa af konum á Amason-svæðinu vinna að því að vernda skóg­lendið sem er heimili hundraða frum­byggja­sam­fé­laga, þúsunda dýra­teg­unda og er helm­ingur allra regn­skóga heims. Umfangs­mikil olíu­vinnsla, námugröftur og skóg­ar­högg eru mikil ógn við lífríki og mann­rétt­indi fólks á svæðinu.

Til þess að standa í hárinu á hags­muna­öflum og vinna að verndun svæð­isins setja konurnar sig og fjöl­skyldur sínar í mikla hættu á hverjum degi. Árásir á hendur umhverf­is­sinnum hafa ekki verið rann­sak­aðar til hlítar og yfir­völd veita ekki næga vernd fyrir fólkið.

Þrátt fyrir refsi­leysið, hótanir og árásir í garð kvenna­hóp­anna hefur ein þeirra, Patricia Gual­inga sagt að þær muni ekki gefast upp, „samein­aðar munum við halda áfram að berjast fyrir verndun Móður Jarðar“.

Forseti Ekvador, Lenín Moreno og ríkis­sak­sóknari landsins, Diana Salazar hafa völd til að gera breyt­ingar á ástandinu með því að veita mann­rétt­inda- og umhverf­is­vernd­ar­sinnum vernd við störf sín og þau geta einnig farið fram á að árás­irnar verði rann­sak­aðar.

Krefstu þess að ríkis­sak­sóknari Ekvador, Diana Salazar veiti mann­rétt­inda- og umhverf­is­vernd­ar­sinnum í Amason-regn­skóg­inum vernd og rann­saki árásir á hendur þeim!

Þau þurfa þína hjálp!

Þín undirskrift getur bjargað mannslífi

Rússland

Afnema verður ritskoðunarlög sem kæfa andóf

Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.

Ísrael

Tryggja þarf mannúðaraðstoð til Gaza

Skrifaðu undir og krefstu þess að forsætisráðherra Ísraels komi í veg fyrir að mannúðarneyðin aukist enn frekar og framfylgi úrskurði Alþjóðadómstólsins með því  að tryggja mannúðaraðstoð og læknisaðstoð fyrir alla íbúa Gaza í samræmi við alþjóðalög.

Kólumbía

Verndum mannréttindafrömuði í Kólumbíu

Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

Lýðstjórnarlýðveldið Kongó

Stöðvið þvingaða brottflutninga í Kolwezi

Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.

Venesúela

Leysið úr haldi ranglega fangelsaða Venesúelabúa

Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.

Ísrael

Stöðva þarf tæknivædda aðskilnaðarstefnu gegn Palestínubúum

Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.