Filippseyjar

Stöðvum árásir á mannréttindasinna

Þann 22. apríl fékk mann­rétt­indasinninn Christina Palabay texta­skilaboð frá nafn­lausum aðila þar sem hún var vöruð við því að hún og nokkrir aðrir sem tilheyra mann­rétt­inda­sam­tök­unum Karapatan á Filipps­eyjum verði myrt á þessu ári. Nokkrum klukku­stundum áður var meðlimur Karapatan, Berna­dino Patigas, skotinn til bana í borg­inni Escal­ante í Negros-héraðinu í norðu­hluta Filipps­eyja.

Árið 2018 á að hafa verið gefinn út listi yfir mann­rétt­inda­sinna sem taka ætti af lífi og var Berna­dino Patigas annar mann­rétt­indasinninn sem hefur verið myrtur af þessm lista. Morðið á Patigas og hótanir í garð Palabay sýna fram á aukna hættu á því að berjast fyrir mann­rétt­indum á Filipps­eyjum.

Samkvæmt mann­rétt­inda­sam­tök­unum Karapatan hafa að minnsta kosti fimmtíu bændur og mann­rétt­inda­sinnar verið myrtir í Negros-héraðinu frá því að Rodrigo Duerte var kjörinn forseti landsins í júlí 2016.

Stjórn­völd á Filipps­eyjum hafa mark­visst unnið að því að koma óorði á mann­rétt­inda­samtök þar í landi, þar á meðal Karapatan og hafa slík samtök sögð vera í forsvari fyrir Komm­ún­ista­flokk Filipps­eyja. Slíkur áróður og auknar hótanir stjórn­valda í garð mann­rétt­inda­sam­taka hafa leitt til þess að einstak­lingar verða fyrir áreitni, árásum og eru jafnvel myrt af óþekktum aðilum.

Mörg þessara mann­rétt­inda­sam­taka sem stjórn­völd tengja við Komm­ún­ista­flokk Filipps­eyja hafa verið gagn­rýnin á stefnu Duerte forseta í hinu svokallaða „stríði gegn eitur­lyfjum“ þar sem aftökur án dóms og laga hafa átt sér stað í þúsunda­tali á fólki grunað um neyslu eða sölu á vímu­efnum. Þessi ómann­úð­lega stefna bitnar verst á þeim fátæk­ustu í samfé­laginu.

Netákalls­fé­lagar krefjast þess að morð og morð­hót­anir á mann­rétt­inda­sinnum verði rann­sökuð strax og að mann­rétt­inda­sinnar séu vernd­aðir við störf sín á Filipps­eyjum!

Skrifaðu undir ákallið strax!

Þau þurfa þína hjálp!

Þín undirskrift getur bjargað mannslífi

Íran

Flest börn tekin af lífi í Íran

Á síðustu þremur árum hefur Íran fjölgað aftökum á börnum og ungmennum sem framið höfðu glæpi á barnsaldri þrátt fyrir að það sé ólöglegt samkvæmt alþjóðlegum lögum og mjög alvarlegt brot á mannréttindum. Til þess að koma í veg fyrir viðbrögð frá alþjóðasamfélaginu hefur Íran ítrekað framkvæmt þessar ólöglegu aftökur á ungmennum í leyni, án vitneskju fjölskyldna eða lögfræðinga þeirra. Með þeim hætti fá samtök eins og Amnesty International ekki tækifæri til að upplýsa heiminn um voðaverkin og hvetja fólk eins og þig til aðgerða.

Marokkó

Blaðakona í haldi á fölskum forsendum

Hajar Raissouni var handtekin af marokkósku lögreglunni 31. ágúst síðastliðinn grunuð um að hafa gengist undir þungunarrof, þrátt fyrir að engar sannanir liggi fyrir. Hún var handtekin fyrir utan læknamiðstöð í Rabat ásamt unnusta sínum, lækni og tveimur starfsmönnum læknamiðstöðvarinnar. Öll fimm eru enn í haldi.

Simbabve

Lækni rænt af heimili sínu

Peter Magombeyi, læknir og forseti Félags sjúkrahúslækna í Simbabve, var rænt af heimili sínu í Harare Budiriro að næturlagi af þremur vopnuðum mönnum þann 14. september síðastliðinn. Aðilar grunaðir um að starfa fyrir leyniþjónustu Simbabve höfðu hótað honum að hann myndi hverfa sporlaust með valdi ef hann hætti ekki afskiptum sínum af verkfalli lækna.