Hvíta-Rússland

Raman Pratasevich og Sofia Sapega handtekin af öryggissveit Hvíta-Rússlands

Raman Prata­sevich, blaða­maður á flótta sem hefur gagn­rýnt ríkis­stjórnina, var hand­tekinn án dóms og laga 23. maí af stjórn­völdum í Hvíta-Rússlandi ásamt maka sínum Sofiu Sapega. Þau voru í flugi frá Aþenu til Vilníus þegar vélinni var beint í aðra átt og gert að lenda í Minsk.

Raman Prata­sevich var eftir­lýstur vegna „hryðju­verka“ fyrir vinnu sína sem blaða­maður. Ef dæmdur sekur getur hann átt yfir höfði sér 20 ára fang­elsis­vist.

Ásamt því að vera blaða­maður er Raman meðstofn­andi NEXTA, sjón­varps­stöðvar sem upplýsti áhorf­endur um friðsæl mótmæli gegn spilltum niður­stöðum í forseta­kosn­ingum í ágúst 2020. Síðan 2019 hefur hann búið erlendis vegna ótta um öryggi sitt. Hann var ákærður fyrir að skipu­leggja óreiðu meðal almenn­ings og að hvetja til haturs.

Hann var settur á lista landsins yfir hryðju­verka­fólk og varð þá fyrsti ríkis­borgari Hvíta-Rúss­lands til að vera á þeim lista. Þegar hann flaug yfir Hvíta-Rússlandi á leið sinni til Vilníus var vélinni gert að lenda vegna sprengju­hót­unar um borð. Eftir að vélin lenti þá voru Raman og Sofia hand­tekin af örygg­is­sveit Hvíta-Rúss­lands en vélin hélt svo leið sinni áfram fimm klst síðar. Prata­sevich á yfir höfði sér 20 ára fang­elsi og er einnig í mikilli hættu á að vera pynd­aður og hljóta illa meðferð.

Ákærur á hendur Sofiu eru óþekktar en engin gögn eru um að parið hafi fengið að hitta lögfræð­inga. Mynd­band hefur lekið þar sem Raman sést í herbergi með bólgið andlit og mar á enni. Þar segir hann að honum sé haldið í SIZO-1 fang­elsinu í Minsk en komið sé vel fram við hann og hann vinni með rann­sak­endum. Svona mynd­bönd eru vel þekkt í Hvíta-Rússlandi, þar sem játn­ingu er náð fram með pynd­ingum og þau birt til að ógna andstæð­ingum ríkis­stjórn­ar­innar.

Pynd­ingar og ill meðferð eru útbreidd í landinu og notuð gegn andstæð­ingum Alyaks­andr Lukashenka, sem segist hafa unnið kosn­ing­arnar í ágúst 2020. Eftir mótmæli sem brutust út eftir kosn­ing­arnar voru yfir 30 þúsund einstak­lingar hand­teknir eða sekt­aðir. Hundruð sögðu frá því að hafa verið pynduð. Nokkur hundruð hafa verið ákærð og mörg hafa hlotið langa fang­els­is­dóma í kjölfar órétt­látra rétt­ar­halda.

Krefstu þess að Raman og Sofia verði leyst úr haldi skil­yrð­is­laust og án tafa og að gripið verði til aðgerða til að stöðva illa meðferð þeirra.

Þau þurfa þína hjálp!

Þín undirskrift getur bjargað mannslífi

Rússland

Afnema verður ritskoðunarlög sem kæfa andóf

Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.

Ísrael

Tryggja þarf mannúðaraðstoð til Gaza

Skrifaðu undir og krefstu þess að forsætisráðherra Ísraels komi í veg fyrir að mannúðarneyðin aukist enn frekar og framfylgi úrskurði Alþjóðadómstólsins með því  að tryggja mannúðaraðstoð og læknisaðstoð fyrir alla íbúa Gaza í samræmi við alþjóðalög.

Kólumbía

Verndum mannréttindafrömuði í Kólumbíu

Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

Lýðstjórnarlýðveldið Kongó

Stöðvið þvingaða brottflutninga í Kolwezi

Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.

Venesúela

Leysið úr haldi ranglega fangelsaða Venesúelabúa

Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.

Ísrael

Stöðva þarf tæknivædda aðskilnaðarstefnu gegn Palestínubúum

Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.