Nígería

Fellið úr gildi Twitter-bann

Stjórn­völd í Nígeríu bönnuðu Twitter þann 4. júní í landinu og skipuðu netþjón­ustu­fyr­ir­tækjum að loka fyrir Twitter. Fjöl­miðlar þurftu einnig að loka Twitter-reikn­ingum sínum. Þessar aðgerðir brjóta á tján­ing­ar­frelsinu, fjöl­miðla­frelsi og skerða aðgengi að upplýs­ingum.  

Bannið kom í kjölfar þess að Twitter fjar­lægði umdeilt tíst frá Muhamadu Buhari, forseta Nígeríu. Í tístinu hótaði forsetinn því að vand­ræða­seggir í landinu myndu fá að finna fyrir því „á tungu­máli sem þeir skilja ásamt vísun í borg­ara­stríðið í Nígeríu á árunum 1967-1970 þar sem millj­ónir Níger­íubúa létu lífið. 

Nígerísk yfir­völd áforma einnig að þvinga samfé­lags­miðla­fyr­ir­tæki til að skrá sig og fylgja níger­ískum lands­lögum áður en þeir fá leyfi fyrir starf­semi sinni.

Þessar aðgerðir eru dæmi um hríð­versn­andi ástand mann­rétt­inda í landinu. Samfé­lags­miðlar hafa gegnt mikil­vægu hlut­verki fyrir almenning í Nígeríu fyrir upplýs­inga­öflun, samskipti, samræður og til að krefjast þess að nígerísk stjórn­völd sæti ábyrgð, sérstak­lega vegna #EndSARS mótmæl­anna sem fóru fram í landinu árið 2020.

Frið­samir mótmæl­endur hafa mætt ofbeld­is­fullum aðgerðum af hálfu níger­ískra yfir­valda og nú á einnig að þagga niður í röddum þeirra á netinu.

Frum­vörp í níger­íska þinginu þekkt sem „hatursorð­ræðu­frum­varpið“ og „samfé­lags­miðla­frum­varpið“ inni­halda ákvæði um harða refs­ingu t.d. dauðarefs­ingu og sýna skýrt alvar­lega aðför að tján­ing­ar­frelsinu, aðgengi að upplýs­ingum og fjöl­miðla­frelsi.

Það er tími til kominn að ólög­legt bann við Twitter í Nígeríu verði fellt úr gildi.

Krefstu þess að forseti og ríkis­sak­sóknari í Nígeríu felli Twitter-bannið úr gildi og verndi tján­ing­ar­frelsið í landinu.

Nánar um stöðu tján­ing­ar­frels­isins í Nígeríu má lesa hér.

Þau þurfa þína hjálp!

Þín undirskrift getur bjargað mannslífi

Ísrael

Tryggja þarf mannúðaraðstoð til Gaza

Skrifaðu undir og krefstu þess að forsætisráðherra Ísraels komi í veg fyrir að mannúðarneyðin aukist enn frekar og framfylgi úrskurði Alþjóðadómstólsins með því  að tryggja mannúðaraðstoð og læknisaðstoð fyrir alla íbúa Gaza í samræmi við alþjóðalög.

Rússland

Afnema verður ritskoðunarlög sem kæfa andóf

Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.

Jemen

Yfirvofandi aftaka baráttukonu fyrir mannréttindum

Fatma al-Arwali er 34 ára mannréttindafrömuður sem á nú á hættu að vera tekin af lífi. Hún var dæmd til dauða þann 5. desember 2023 í kjölfar ósanngjarnra réttarhalda. Skrifaðu undir og þrýstu á yfirvöld Húta að ógilda dauðadóm Fatma al-Arwali og tryggja að hún hljóti sanngjarna málsmeðferð í nýjum réttarhöldum án dauðarefsingar eða að öðrum valkosti verði hún látin laus.

Kólumbía

Verndum mannréttindafrömuði í Kólumbíu

Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

Lýðstjórnarlýðveldið Kongó

Stöðvið þvingaða brottflutninga í Kolwezi

Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.

Venesúela

Leysið úr haldi ranglega fangelsaða Venesúelabúa

Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.

Ísrael

Stöðva þarf tæknivædda aðskilnaðarstefnu gegn Palestínubúum

Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.