
Gvatemala
Fangelsaður fyrir að vernda landsvæði frumbyggja
Bernardo Caal hefur barist fyrir verndun landsvæðis Maya-frumbyggja. Hann mótmælti virkjanaframkvæmdum við ána Cahabón og var í kjölfarið dæmdur í átta ára fangelsi.
Blaðamaður handtekinn fyrir að fjalla um mótmæli
Blaðamaðurinn Khaled Drareni deilir þeim draumi með mörgum Alsírbúum að frelsi og jafnrétti komist á í landinu. Þegar almenningur flykktist út á götur í febrúar árið 2019 til að krefjast þessara umbóta tók Khaled þátt í kröfugöngunni.
Hann greindi heiminum frá því sem átti sér stað í Alsír. Í starfi sínu sem blaðamaður gerði Khaled sér far um að skýra frá Hirak-mótmælahreyfingunni sem berst fyrir frelsi og mannréttindum í Alsír. Líkt og gildir um margt ungt fólk í Alsír lítur Khaled á Hirak-mótmælahreyfinguna sem tækifæri til að koma á sanngjarnara og betra samfélagi.
Þegar Hirak-mótmælahreyfingin komst á laggirnar var Khaled fyrsti óháði blaðamaðurinn til að greina frá vikulegum mótmælum í landinu og skýrði einnig frá lögregluofbeldi gegn mótmælendum þegar það átti sér stað. Umfjöllun Khaleds kom honum í ónáð hjá yfirvöldum og var hann margsinnis settur í varðhald fyrir vikið.
Þann 27. mars 2019 var Khaled handtekinn í framhaldi af umfjöllun um mótmælin. Hann var ákærður fyrir að hvetja til samkomu óvopnaðra mótmælenda en var í reynd eingöngu að sinna starfi sínu sem blaðamaður. Hann átti yfir höfði sér 10 ára fangelsisdóm en í september 2020 var hann dæmdur í tveggja ára fangelsi.
„Af hverju ætti fólk að stilla sig um að segja sannleikann?“ Khaled er blaðamaður og ákveðinn í að halda áfram að fjalla um þann veruleika sem landið hans stendur frammi fyrir. Hjálpaðu okkur að tryggja að Khaled geti haldið því áfram!
Krefstu þess að stjórnvöld í Alsír leysi Khaled tafarlaust úr haldi.
Þín undirskrift getur bjargað mannslífi
Gvatemala
Bernardo Caal hefur barist fyrir verndun landsvæðis Maya-frumbyggja. Hann mótmælti virkjanaframkvæmdum við ána Cahabón og var í kjölfarið dæmdur í átta ára fangelsi.
Kína
Zhang Zhan skýrði frá útbreiðslu kórónuveirunnar í Wuhan-borg. Hún greindi frá því á samfélagsmiðlum að yfirvöld hefðu tekið til fanga óháða blaðamenn og áreitt fjölskyldur smitaðra einstaklinga. Hún var síðar tekin til fanga og dæmd í fjögurra ára fangelsi.
Egyptaland
Mohamed Baker situr í fangelsi fyrir að verja réttindi jaðarhópa í Egyptalandi. Hann hefur sætt margvíslegu harðræði og grimmilegri meðferð í fangelsinu.
Palestína
Janna Jihad er 15 ára gömul og býr á Vesturbakkanum, sem er hernuminn af Ísrael. Hún var aðeins sjö ára þegar hún hóf að taka upp á símann sinn mannréttindabrot ísraelska hersins. Janna hefur verið áreitt og henni hótað lífláti.
Nígería
Imoleayo Michael studdi mótmæli á samfélagsmiðlum gegn sérsveitinni SARS sem er alræmd fyrir ofbeldi. Í kjölfarið var hann læstur í neðanjarðarklefa í 41 dag. Hann stendur frammi fyrir fölskum ákærum og margra ára fangelsisvist.
Úkraína
Frjálsu félagasamtökin Sphere hafa barist fyrir réttindum kvenna og hinsegin fólks frá árinu 2006. Á undanförnum árum hafa ofbeldisfullir andstöðuhópar gegn hinsegin fólki skipulagt tugi árása á starfs- og stuðningsfólk Sphere en enginn sætir ábyrgð.
Erítrea
Ciham Ali var aðeins 15 ára þegar stjórnvöld námu hana á brott í hefndaraðgerð gegn föður hennar. Níu ár eru nú liðin frá því að hún sætti þvinguðu mannshvarfi. Enginn veit hvar hún er í haldi.
Mexíkó
Wendy Galarza berst fyrir réttlátara samfélagi fyrir konur í heimalandi sínu. Þær sæta oft árásum, eru niðurlægðar og myrtar. Hún týndi næstum lífi sínu við að fordæma ofbeldið.
Taíland
Panusaya, kölluð Rung, kallar eftir jafnrétti og tjáningarfrelsi. Í mars 2021 var hún fangelsuð í 60 daga á grundvelli laga sem banna gagnrýni á konungsríkið. Nú stendur hún frammi fyrir fjölda ákæra og á yfir höfði sér lífstíðarfangelsi.
Hvíta-Rússland
Mikita Zalatarou, sem er flogaveikur, var 16 ára þegar hann var handtekinn og ásakaður um að kasta bensínsprengju í átt að óeirðalögreglu. Hann var í kjölfarið fangelsaður, pyndaður og dæmdur í fimm ára fangelsi.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Fyrir ungt fólk sem vill hafa áhrif minnum við á ungliðahreyfingu Amnesty International en hópar eru starfandi um land allt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Engar aðrar persónuupplýsingar en nafn þitt munu fylgja bréfinu á viðkomandi stjórnvöld.