Tilkynning
11. desember 2018Umsögn við drög að vímuefnastefnu Amnesty International
Kæri félagi,
Þúsund þakkir fyrir að vera félagi Amnesty International og taka þátt í baráttunni fyrir því að alþjóðlega viðurkennd mannréttindi séu virt og að allir njóti verndar þeirra!
Með þinni hjálp getum við unnið að bættum heimi þar sem virðing fyrir mannréttindum er í heiðri höfð og fólk fær lifað án ótta. Með aðild þinni að Amnesty International ert þú þátttakandi í alþjóðlegri hreyfingu og rödd þín bætist í hóp þeirra sem leggja sitt af mörkum til að ná fram breytingum.
Á Heimsþingi Amnesty International sem fór fram fyrr á þessu ári var samþykkt að fara þess á leit við alþjóðastjórn samtakanna að hún móti vímuefnastefnu sem er til þess fallin að vernda eftir fremsta megni mannréttindi viðkvæmustu hópa samfélagsins með aðgerðum sem fela meðal annars í sér afglæpavæðingu notkunar, vörslu og ræktunar vísmuefna til persónulegrar notkunar.
Nú hefur alþjóðastjórn Amnesty International sent deildum samtakanna drög að þessari stefnu og óskar Íslandsdeildin eftir umsögnum frá félögum sínum um hana. Drög að stefnunni má nálgast á skrifstofu Amnesty eða fá hana senda í gegnum tölvupóst á amnesty@amnesty.is.
Merkið umsögn greinilega með nafni sendanda og dagsetningu. Umsagnir þurfa að berast með tölvupósti á netfangið amnesty@amnesty.is eða á póstfangið Íslandsdeild Amnesty International, Þingholtsstræti 27, 101 Reykjavík. Umsagnir geta verið ritaðar á íslensku eða ensku og þurfa að hafa borist fyrir 17.11.2018
Að mótteknum umsögnum mun Íslandsdeild Amnesty International taka saman þær athugasemdir og ábendingar sem þar koma fram og senda þær alþjóðastjórn samtakanna. Deildin mun ekki senda alþjóðastjórninni nöfn þeirra félaga sem veittu umsagnir.
Kær kveðja,
Stjórn Íslandsdeildar Amnesty International
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu