Sumarið er mikilvægur tími hjá félagasamtökum eins og Amnesty International og halda samtökin áfram baráttunni fyrir auknum mannréttindum þrátt fyrir sumarfrí landsmanna. Ungliðar í ungliðahreyfingunni hafa staðið að vel heppnuðum aðgerðum.
Ungliðahreyfing Íslandsdeildar Amnesty International tekur þátt í Druslugöngunni næstkomandi laugardag, þann 23. júlí, líkt og í fyrra. Í ár vekur hún athygli á skelfilegum veruleika mexíkóskra kvenna sem lenda í klóm opinberra öryggissveita sem beita þær kerfisbundnu kynferðisofbeldi til þess að knýja fram játningar við þeim ákærum sem þeir saka þær um.
Mannréttindi eiga á brattann að sækja í Tyrklandi eftir blóðuga valdaránstilraun. Yfirlýsingar forsetans og embættismanna stjórnvalda um að hugsanlega verði dauðarefsingin tekin upp aftur til þess að refsa þeim sem verða fundnir sekir um valdaránstilraunina er mikið áhyggjuefni, þar sem að slíkt myndi brjóta gegn mannréttindasáttmálum sem að Tyrkland á aðild að sem og þeirri vernd sem tryggð er í tyrknesku stjórnarskránni.
Ný tilskipun frá fylkisstjóra Ríó de Janeiro sem veitir heimild til niðurskurðar á útgjöldum í aðdraganda Ólympíuleikanna 2016 má ekki verða notuð sem afsökun til að skera niður í grunnþjónustu og þjálfun öryggissveita sem sendar verða í fátækrahverfin, segir Amnesty International.
Samkvæmt almannaöryggisstofnunni Instituto de Segurança Pública (ISP) hafa 40 manns, í borginni einni, verið felldir af lögregluþjónum við skyldustörf í maímánuði: sem er aukning um 135% miðað við sama tímabil árið 2015.
Senn líður að Ólympíuleikunum og kastljós heimsins mun beinast að glitri og glamúr á meðan að ógnvænlegur fjöldi ungra blökkumanna í fátækrahverfunum týnir lífi sínu að ósekju, aðeins í nokkurra kílómetra fjarlægð frá leikunum. Allt vegna þess að heimurinn leit undan.
Skelfilegar frásagnir af kynferðisofbeldi, morðum, pyndingum og trúarofsóknum sem Amnesty International hefur safnað saman afhjúpar þann sláandi fjölda ólíkra brota sem þrífast við smyglleiðirnar til og í gegnum Líbíu.
Ghias Aljundi flúði frá Sýrlandi til Bretlands fyrir átján árum en hann er einn af þúsundum sjálfboðaliða sem hafa aðstoðað flóttafólk sem flýr til Grikklands. Ghias grunaði aldrei að einn daginn myndi hann bjarga eigin fjölskyldu úr gúmmíbát.
Ný rannsókn sem Amnesty International ýtti úr vör leiddi í ljós að af hundrað konum sem samtökin ræddu við og sættu handtöku í Mexíkó, urðu flestar fyrir kerfisbundnu kynferðisofbeldi af hálfu öryggissveita ríkisins, í þeim tilgangi að ná fram sem flestum játningum.
Í byrjun apríl 2016 var mál Zainab Al-Khawaja tekið upp í SMS-aðgerðaneti Amnesty International og svöruðu yfir þúsund manns ákalli um að leysa hana úr haldi án tafar og skilyrðislaust. Hún var samviskufangi sem sat í fangelsi með rúmlega eins árs gömlum syni sínum sem var hjá henni að hennar ósk.
Evrópusambandið fetar nú hættulegar brautir í tilraun sinni til að vinna á flóttamannavandanum.
Í tilefni alþjóðlega Flóttamannadagsins, sem er næstkomandi mánudag 20. júní, munu Íslandsdeild Amnesty International, Mannréttindaskrifstofa Íslands og Rauði Krossinn efna til viðburða í miðborg Reykjavíkur frá kl 15-18 til að vekja athygli á þeim veruleika sem blasir við flóttafólki bæði hér heima og um heim allan.