Í tilefni Menningarnætur næstkomandi laugardag, 22. ágúst, býður Íslandsdeild Amnesty International gestum og gangandi í vöfflukaffi.

Amnesty International samþykkti á heimsþingi sínu 11. ágúst sl. ályktun um skyldur ríkja til að virða mannréttindi vændisfólks (e. „sex workers“). Hér má finna nokkrar helstu spurningar sem Íslandsdeildinni hafa borist frá félögum og komið hafa fram í opinberri umræðu um ályktunina, ásamt svörum við þeim.

Þann 11. ágúst 2015 var samþykkt á heimsþingi Amnesty International í Dublin, ályktun er lýtur að skyldum ríkja til að virða, vernda og uppfylla mannréttindi vændisfólks. Hér má sjá ályktunina í íslenskri þýðingu.

Fréttir um að 11 ára stúlka, sem varð þunguð í kjölfar nauðgunar af hálfu stjúpföður, hafi eignast barn í gær minnir á þá brýnu þörf að Paragvæ breyti fóstureyðingarlögjöf landsins.

Í dag lauk heimsþingi Amnesty International, sem hefur verið haldið undanfarna daga í Dublin á Írlandi. Þingið sóttu að vanda fulltrúar úr stjórn Íslandsdeildarinnar ásamt framkvæmdastjóra hennar, auk fulltrúa allra annarra deilda samtakanna. 

Búrkína Fasó verður nauðsynlega að takast á við þann þjóðarvanda sem snemmbær og þvinguð hjónabönd eru, auk óæskilegra þungana og skorts á kynfræðslu.

Sú stefna herlögreglu í Ríó de Janeiro að „skjóta fyrst og spyrja síðar” hefur stuðlað að síhækkandi morðtíðni í Brasilíu en morðin eru sjaldan  rannsökuð og fáir eru látnir svara til saka, samkvæmt nýrri skýrslu Amnesty International sem birt er í aðdraganda Ólympíuleikanna í Brasilíu 2016. 

Pakistan verður að koma á tafarlausu aftökustoppi í ljósi nýjustu fregna af aftöku Shafqat Hussain en hann var á barnsaldri þegar meintur glæpur átti sér stað og pyndaður til að skrifa undir játningu, samkvæmt lögfræðingi hans.

Ákvörðun Edgar Lungu, forseta Sambíu, um að milda dauðadóma yfir 332 föngum í lífstíðarfangelsi er lofsvert fyrsta skref. 

Þann 11. júlí 2015 voru tuttugu ár liðin frá því að þjóðarmorðin í Srebrenica áttu sér stað en þá voru rúmlega 8000 múslimar drepnir. 

Yecenia Armeta var handtekin og pynduð í þeim tilgangi að þvinga fram játningu á glæp sem hún segist aldrei hafa framið. Stjórnvöld í Mexíkó eiga að sjá sóma sinn í að leysa Yeceniu úr haldi og sækja þá til saka sem ábyrgð bera á pyndingunum.  Yecenia Armenta hefur mátt dúsa í fangelsi í tæplega þrjú ár á meðan kvalarar hennar ganga frjálsir. Martröð Yeceniu hófst árið 2012 þegar hún keyrði ættingja á flugvöll í Culiacán, í Norður-Mexíkó. Óeinkennisklæddir lögreglumenn stöðvuðu bifreið hennar, þvinguðu hana út úr bílnum, bundu fyrir augu hennar og keyrðu með hana á brott. Þegar komið var á lögreglustöð bundu lögreglumennirnir hendur Yeceniu og fætur, létu hana hanga á hvolfi, börðu hana og nauðguðu, á meðan þeir hótuðu að deyða börnin hennar. „Ég óskaði þess að þeir skytu mig í höfuðuð svo þessu myndi öllu ljúka“, sagði Yecenia. HÉR MÁ SJÁ MYNDBAND AF YECENIU ÞAR SEM AMNESTY INTERNATIONAL RÆÐIR VIÐ HANA.  Eftir að hafa þolað pyndingar í 15 klukkustundir hótuðu lögreglumennirnir að sækja börnin hennar, nauðga þeim og drepa. Á þeirri stundu lét Yecenia undan kröfum lögreglunnar, skrifaði undir játningu og gaf fingraför sín, á meðan bundið var fyrir augu hennar. Læknar, sem starfa á skrifstofu saksóknara líkt og lögreglumennirnir sem pynduðu Yeceniu, skoðuðu áverka á líkama hennar. Þeir létu undir höfuð leggjast að skrá áverkana. Mánuðum síðar skoðuðu réttarlæknar á vegum ríkissaksóknara Yeceniu en ályktuðu að hún hafi ekki sætt pyndingum. Niðurstaða þeirra byggði á fyrri ályktun lækna. Þetta er dæmigert ferli í Mexíkó þar sem opinberar læknisskoðanir á þolendum pyndinga standast ekki alþjóðleg viðmið eða er fylgt eftir seint og um síðir og koma því að litlu gagni fyrir þolendur. Óháðir læknar hafa skoðað Yeceniu tvisvar og fylgt eftir alþjóðlegum viðmiðum um slíkar læknisskoðanir. Í báðum tilvikum var niðurstaðan skýr. Yecenia var án nokkurs vafa pynduð. Engu að síður hafa yfirvöld hunsað niðurstöður óháðu læknana og játning Yeceniu er enn eitt helsta sönnunargagnið gegn henni.  Ítarleg læknisskoðun getur skipt sköpum í réttindabaráttu þolenda pyndinga. Ef læknisskoðun er gerð tímanlega og alþjóðlegum viðmiðum fylgt geta þær fært sönnur á pyndingar og afhjúpað óréttmætar játningar.  Smelltu hérna og krefðu yfirvöld í Mexíkó að rannsaka til fullnustu kæru Yeceniu um pyndingar, að leysa hana tafarlaust úr haldi, fella niður ákærur á hendur henni og gera róttækar breytingar á framkvæmd réttarlæknisskoðana á þolendum pyndinga í landinu.