Í dag afhenti Íslandsdeild Amnesty International Ólöfu Nordal innanríkisráðherra áskorun þar sem 3557 einstaklingar kalla eftir því að innanríkisráðherra og ríkisstjórn Íslands fullgildi nú þegar valfrjálsu bókunina og sýni þar með í verki að íslensk stjórnvöld láti ekki nægja fyrirheit um að borgararnir verði ekki látnir sæta pyndingum eða annarri vanvirðandi meðferð, heldur verði óháðum eftirlitsaðila falið að fylgjast með því að þau fyrirheit séu efnd.

Aðalfundur Íslandsdeildar Amnesty International verður haldinn laugardaginn 7. mars 2015, kl. 12:00 í húsnæði deildarinnar, Þingholtsstræti 27, 3. hæð

Íslandsdeild Amnesty International og Mannréttindaskrifstofa Íslands standa fyrir málþingi um mikilvægi fullgildingar valfrjálsrar bókunar við samning SÞ gegn pyndingum. Málþingið fer fram í Öskju 132, við Háskóla Íslands þann 6. mars næstkomandi frá kl. 12 til 14. 

Í lok síðasta árs efndi Íslandsdeild Amnesty International til samkeppni meðal framhaldsskóla landsins um besta árangurinn á bréfamaraþoni samtakanna í þágu verndar og virðingar mannréttinda víðs vegar um heiminn

Íbúar í bænum Debaltseve í Úkraínu eru á barmi örvæntingar, þúsundir leita í örvinglun að skjóli frá sprengjuárásum og skortur er á rennandi vatni, rafmagni og nauðsynlegum sjúkravörum, að sögn Amnesty International.

Ástralski blaðamaðurinn Peter Greste og samstarfsmenn hans hjá Al Jazeera fréttastöðinni, Mohamed Fahmy og Baher Mohamed, voru handteknir í Egyptalandi í desember á síðasta ári.

Sjónvarpsþættir þar sem svokallað lukkuhjól kemur fyrir eru alþjóðlegt fyrirbæri. 

Það að grísk yfirvöld hafi brugðist þeirri skyldu sinni að rannsaka dauða 11 Afgana sem drukknuðu úti á sjó sýnir skeytingarleysi yfirvalda um að framfylgja réttlæti fyrir fórnarlömb og fjölskyldur þeirra og er dæmi um harðlínustefnu í málefnum hælisleitenda og farandfólks, sagði Amnesty International í tilefni þess að ár sé liðið frá harmleiknum í Farmakonisi.

Lausn Dr. Tun Aung, friðsamlegs aðgerðasinna sem var fangelsaður fyrir það eitt að koma í veg fyrir ofbeldi, er jákvætt skref, en yfirvöld í Mjanmar þurfa að frelsa tugi annarra samviskufanga sem eru enn bak við lás og slá, sagði Amnesty International.

Árlegt bréfamaraþon Amnesty International fór fram á 19 stöðum á landinu dagana 3. til 17. desember 2014 og aldrei fyrr hafa jafn margir Íslendingar lagt átakinu lið. 

 gær, 22. janúar greiddi löggjafarþing El Salvador atkvæði um hvort náða ætti 25 ára konu,Gudalupe, sem hlaut 30 ára fangelsisdóm í kjölfar fósturmissis.

Stjórnvöld í El Salvador verða tafarlaust að binda endi á óvægna herferð sína gegn réttindum kvenna og stúlkna í landinu og leysa tafarlaust úr fangelsi konu að nafni Guadalupe sem hefur setið í fangelsi frá árinu 2007 fyrir þær sakir einar að hafa misst fóstur.