SMS
3. júní 2020Bandaríkin: Krefstu réttlætis fyrir George Floyd
„Ég næ ekki andanum“ kvað George Floyd á meðan lögreglumaður kraup yfir honum, þrýsti hné sínu að hálsi hans og neitaði að færa sig af honum í sjö mínútur. „Ég er að deyja!“ sagði George með hendurnar bundnar fyrir aftan bak.
Þegar lögreglumaðurinn loksins fjarlægði hnéð af hálsi George var hann meðvitundarlaus. George var fluttur á sjúkrahús þar sem hann var úrskurðaður látinn. George Floyd var óvopnaður, svartur karlmaður.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Stuttu áður hafði afgreiðslumaður í matvöruverslun kallað til lögreglu vegna gruns um að George hafi reynt að greiða vörur með fölsuðum peningaseðli. George fékk að gjalda fyrir það með lífi sínu. Ef lögreglan hefði ekki beitt ólögmætri valdbeitingu væri George enn á lífi.
Dauði George Floyd er birtingarmynd gífurlegs ofbeldis og kynþáttamisréttis gegn svörtu fólki í Bandaríkjunum. Fjöldi sambærilegra mála hafa átt sér stað undanfarið og má þar nefna morðið á Ahmaud Arbery sem var úti að skokka og morðið á Breonnu Taylor sem var sofandi heima hjá sér þegar lögreglan hóf skothríð. Lögreglan fremur fjöldann allan af mannréttindabrotum gegn minnihlutahópum fólks, sérstaklega gegn svörtum Bandaríkjamönnum. Árið 2019 var lögreglan viðriðin yfir eitt þúsund dauðsföll í Bandaríkjunum.
Lögreglumönnunum sem tengjast dauðsfalli George Floyd hefur verið vikið úr starfi en það er ekki nóg til að ná fram réttlæti. Fjölskylda George og nærsamfélag kalla eftir því að þeir sem bera ábyrgð á dauða hans sæti refsingu og að tryggt verði að þetta gerist ekki aftur. Almenningur í Bandaríkjunum stendur fyrir víðtækum mótmælum um allt landið og krefst aðgerða en þeim er mætt með kúgun og ofríki lögreglu.
SMS-félagar krefjast þess að yfirvöld í Bandaríkjunum sæki til saka þá sem bera ábyrgð á dauða George Floyd og annarra í sambærilegum málum!
#JusticeforGeorgeFloyd!
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu