Fréttir
27. júní 2022Hæstiréttur Bandaríkjanna felldi úr gildi Roe v. Wade, dóminn um þungunarrof þann 24. júní 2022. Tarah Demant hjá Bandaríkjadeild Amnesty International hefur þetta um málið að segja:
„Þessi dagur markar grimmileg þáttaskil í sögu Bandaríkjanna þar sem hæstiréttur felldi úr gildi dóminn Roe v. Wade og svipti þar með fólkið í Bandaríkjunum réttinn til þungunarrofs. Milljónir sem geta orðið barnshafandi í Bandaríkjunum standa frammi fyrir framtíð sem hefur áhrif á persónulegt val þeirra um líkama, framtíð og velferð fjölskyldu sinnar.
„Þessi úrskurður hefur áhrif á allt fólk í Bandaríkjunum, jafnvel þó að það geti ekki orðið barnshafandi. Hver og einn einstaklingur þekkir fólk sem hefur farið í þungunarrof. Ein af hver fjórum konum í Bandaríkjunum sækist eftir þungunarrofi á ævi sinni.“
„Fólk verður neytt til ala barn. Það neyðist til að leita að óöruggu þungunarrofi. Þetta er útkoman eftir áratugalanga herferð í þeim tilgangi að stjórna líkömum kvenna, stúlkna og fólks sem getur orðið barnshafandi. Þetta ryður brautina fyrir löggjöf sem eiga sér ekki fordæmi þar sem þungunarrof er glæpavætt auk annarra frumvarpa sem hafa það að markmiði að taka mannréttindi af fólki í Bandaríkjunum. Meðal þeirra eru mögulega frumvörp sem hafa áhrif á aðgengi að getnaðarvörnum, kynjajafnrétti og jafnan rétt til hjónabands auk laga gegn mismunun.“
„Við höfum þetta að segja við stuðningsfólk okkar og þau ykkar sem eru að fylgjast með um heim allan og upplifa sömu tilfinningar, skelfingu og sársauka: Hverjar sem tilfinningar ykkar eru, hvort sem það er reiði, ótti, svik, sorg, þá eruð þið ekki ein.
„Þið eruð hluti af meirihluta fólks í Bandaríkjunum sem er ósammála þessari niðurstöðu. Þið eruð hluti af tíu milljónum einstaklinga um heim allan sem standa að baki þessari hreyfingu fyrir mannréttindi. Þaðan kemur kraftur okkar og von: Við erum í meirihluta.“
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu