SMS
25. mars 2020Bangladess: Pólitískur leiðtogi í hættu á að vera tekinn af lífi.
ATM Azharul Islam, leiðtogi í stjórnarandstöðunni í Bangladess er í yfirvofandi hættu á að vera tekinn af lífi eftir að stjórnvöld landsins gáfu til þess heimild þann 16. mars 2020. Hann var dæmdur til dauða í desember 2014 af stríðsglæpadómstól og umsókn um áfrýjun í máli hans var hafnað í lok október 2019. Amnesty International og fleiri mannréttindasamtök hafa ítrekað bent á galla á málsmeðferð ATM Azharul Islam sem leiddi til þessa gríðarlega ranglætis.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Árið 2019 dæmdi þessi sami dómstóll í Bangladess (e. the International crimes tribunal, ICT) 14 manns til dauða en árið 2018 voru dauðadómarnir 319 samkvæmt skýrslu Amnesty International. ICT er bangladeskur dómstóll sem skipaður var af ríkisstjórninni árið 2010 til að rannsaka mannréttindabrot sem áttu sér stað í stríðinu um sjálfstæði við Pakistan árið 1971. Amnesty International fagnaði þessari ákvörðun ríkisstjórnarinnar að draga seka aðila til ábyrgðar en fór fram á að það yrði gert á sanngjarnan máta og án þess að dauðarefsingunni yrði beitt.
SMS-félagar krefjast þess að dauðadómur ATM Azharul Islam verði mildaður og dauðarefsingin afnumin í landinu. Auk þess eru stjórnvöld minnt á að virða alþjóðastaðla um sanngjörn réttarhöld.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu