Götukynnar Íslands­deildar Amnesty Internati­onal hafa nú hafið störf fyrir sumarið. Þau munu kynna starf samtak­anna og bjóða áhuga­sömu fólki að gerast Vonar­ljós. Vonar­ljós eru mánað­ar­legir styrktarað­ilar samtak­anna og tákn um von fyrir þolendur mann­rétt­inda­brota.  

Kjarni starfs Amnesty Internati­onal felst í að berjast gegn mann­rétt­inda­brotum um heim allan.  Allt starf Íslands­deild­ar­innar byggist á frjálsum fram­lögum einstak­linga til að við getum verið óháð hags­munum stjórn­valda og stór­fyr­ir­tækja.  

Götukynn­ingar Íslands­deild­ar­innar hafa gengið vel í gegnum árin frá því að þær hófust fyrst árið 2004. Götukynn­ingar gefa tæki­færi til að kynna starf okkar og ná til fjöl­breytts hóps fólks sem brennur fyrir mann­rétt­indum og hefur áhuga á að leggja barátt­unni lið. Þannig hefur deildin náð að stækka og dafna.   

Götukynnar okkar verða stað­settir á ýmsum stöðum á höfuð­borg­ar­svæðinu í sumar. Má þar nefna við versl­anir, í versl­un­ar­mið­stöðvum, í miðbænum og við sund­laugar. Þeir verða vel merktir Amnesty Internati­onal og eru tilbúnir að fræða fólk um mann­rétt­ind­a­starfið okkar. Við vonum svo sann­ar­lega að fólk taki vel á móti þeim.   

Á mynd­inni sjást götukynnar Íslands­deildar Amnesty Internati­onal: Elías Kári Huld­arsson og Unnur Frið­riks­dóttir.