SMS
27. apríl 2020Þann 18. apríl 2020 voru 15 leiðtogar og aðgerðasinnar handteknir fyrir ólöglega samkomu sem átti sér stað sex mánuðum áður. Þetta er nýjasta dæmið um hvernig lögreglan reiðir sig á óskýr lög um allsherjarreglu sem voru mikið notuð árið 2019 til að koma í veg fyrir fjölmenn og friðsæl mótmæli. Þessar handtökur eru þungt högg fyrir tjáningarfrelsið í Hong Kong.
Fimm þeirra sem voru handteknir eru einnig ákærðir fyrir skipulagningu á öðrum mótmælum. Samkvæmt þessum lögum um allsherjarreglu í Hong Kong má einungis halda friðsæl mótmæli með fyrirfram gefnu samþykki frá lögreglu. Lögreglan hefur völd til að banna fjölmennar samkomur ef hún telur almenning í hættu.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Sótt hafði verið um leyfi fyrir þessum mótmælum en lögreglan samþykkti þau ekki. Í kjölfar þess að mótmæli urðu algengari seinni hluta ársins 2019 þrengdi lögreglan enn að og bannaði fleiri mótmæli en áður.
Alþjóðleg mannréttindalög kveða á um réttinn til að mótmæla og ekki á að þurfa leyfi frá yfirvöldum til þess.
SMS-félagar krefjast þess að allar ákærur verði felldar niður, hætt verði að ákæra saklausa mótmælendur og að lög um allsherjarreglu verði aðlöguð að alþjóðlegum mannréttindalögum og í takt við tjáningarfrelsið.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu