SMS
30. október 2018Blaðamenn og aðgerðasinnar hafa fengið sendar nafnlausar líflátshótanir og ógnandi símtöl og skilaboð síðan 10. október. Hótanirnar hófust eftir að hópur blaðamanna og aðgerðasinna fylgdust með kjörstöðum og fluttu fréttir af úrslitum sveitastjórnakosninga í borgunum Nacala-Porto og Nampula í Nampula-héraði í norður Mósambík.
Mannréttindabaráttumaðurinn og framkvæmdastjóri samtakanna Solidariedade Moçambique Antônio Lourenço Mutoua, talsmaður sömu samtaka Júlio Paulino, blaðamaðurinn Arlindo César Severiano Chissale, ritstjórinn Aunício da Silva, prestarnir Benvindo Tapua og Cantífulas de Castro auk tveggja blaðamanna sem óska nafnleyndar hafa allir fengið líflátshótanir, ógnandi símtöl og skilaboð vegna aðkomu þeirra að sveitastjórnarkosningunum.
Hótanirnar hafa verið á þá leið að þeir ættu að „vara sig“, „dagar þeirra séu taldir“ og þeir gætu átt það á hættu að „hverfa sporlaust“. Þeim er kennt um að hafa valdið því að ráðandi meirihluti á svæðinu, flokkurinn Mozambique Liberation Front (FRELIMO), féll vegna aðkomu þeirra að kosningunum. Með því að skipuleggja vaktir á kjörstöðum og birta umfjallanir um framgang og niðurstöður kosninganna eigi þeir að hafa ráðið úrslitunum.
Sms-félagar krefjast þess að blaðamennirnir, aðgerðasinnarnir og fjölskyldur þeirra hljóti vernd yfirvalda gegn hótunum af þessu tagi, að málin verði rannsökuð og þeir sóttir til saka sem bera ábyrgð á hótununum og skilaboðunum. Einnig viljum við þrýsta á stjórnvöld að skapa blaðamönnum og öðru fjölmiðlafólki, aðgerðasinnum og baráttufólki fyrir mannréttindum öruggt starfsumhverfi.
Skráðu þig í sms-aðgerðanetið hér.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu