SMS
11. mars 2020Sex meðlimir úr listahópnum Peacock Generation afplána tveggja til þriggja ára dóm vegna listflutnings þar sem herinn er gagnrýndur. Nýverið voru þrír meðlimanna dæmdir til sex mánaða fangelsisvistar til viðbótar fyrir „ærumeiðingar á netinu“ eftir að hafa birt listflutninginn á netinu. Þeir eru samviskufangar sem þarf að leysa umsvifalaust úr haldi án skilyrða.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Þann 17. febrúar 2020 voru þrír meðlimir listahópsins dæmdir í sex mánaða fangelsi fyrir „ærumeiðingar á netinu“ á grundvelli laga um fjarskipti frá árinu 2013 en hópurinn birti myndir og myndbönd af „Thanguyt“ flutningi sínum við hátíðarhöld í apríl 2019. Í listflutningnum klæddist hópurinn herklæðnaði og hæddist að hernum.
„Thanguyt“ er listgrein sem á sér langa sögu í Myanmar og er samblanda af ljóðagerð, gamanleik og tónlist. Opinber flutningur á „Thanguyt“ var bannaður árið 1989 af hernum en svo leyfður aftur árið 2013 og er flutningur vinsæll við hátíðleg tilefni.
Þetta er ekki í fyrsta sinn sem þessir meðlimir hópsins hljóta dóm en á síðustu mánuðum hafa þeir verið dæmdir fjórum sinnum fyrir list sína.
Amnesty International hefur áhyggjur af handtökum og varðhaldi mannréttinda- og aðgerðasinna í Myanmar sem einungis eru að nýta rétt sinn til tjáningarfrelsis á friðsamlegan hátt.
SMS-félagar krefjast þess að meðlimir Peacock Generation verði leystir úr haldi og að ákærur á hendur þeim verði felldar niður ásamt því að lög sem takmarka tjáningarfrelsi verði felld úr gildi eða breytt í samræmi við alþjóðleg mannréttindalög.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu