Tangaraju s/o Suppiah á yfir höfði sér fyrirhugaða aftöku þann 26. apríl 2023 í Singapúr. Tangaraju var dæmdur fyrir sölu á einu kílói af kannabisefni og fékk hann lögbundinn dauðadóm fyrir vímuefnabrot.

Stjórnvöld í Singapúr eru reiðubúin að hefja aftökur að nýju  eftir tveggja ára hlé vegna kórónuveirufaraldursins. Einstaklingar sem dæmdir hafa verið til dauða í tengslum við vímuefnaglæpi eiga yfir höfði sér aftöku. Dauðadómur vegna vímuefnabrota, sem er lögbundinn í Singapúr, stangast á við alþjóðalög. Hæstiréttur landsins hefur fengið formlega beiðni um að stöðva aftökurnar.