Amnesty International lýsti því yfir í dag að stefna Barack Obama Bandaríkjaforseta í hinu svokallaða, stríði gegn hryðjuverkum á fyrstu 100 dögunum í embætti, einkennist fremur af loforðum um breytingar en raunverulegum aðgerðum.

Condoleezza Rice samþykkti notkun vatnspyndinga árið 2002 samkvæmt upplýsingum sem Leyniþjónustunefnd Bandaríkjaþings birti nýverið. Þar kemur fram að hún gaf munnlegt samþykki sitt fyrir notkun leyniþjónustu Bandaríkjanna (CIA) á þessari og öðrum harkalegri yfirheyrsluaðferðum til að yfirheyra Abu Zubaydah, sem grunaður var um aðild að al-Qaida.

Yfirvöld í Barein létu nýverið lausa úr haldi alla pólitíska fanga í landinu, 178 talsins, eftir að konungur landsins náðaði þá. Meðal þeirra eru tveir baráttumenn úr röðum sjía-múslima, þeir Hassan Meshaima’a, leiðtogi stjórnarandstöðuhreyfingarinnar al-Haq og trúarleiðtoginn Mohammad Moqdad.

Róma-fólk (stundum kallað sígaunar) sætir gríðarlegri mismunun víða í Evrópu varðandi húsnæði, vinnu, heilsugæslu og menntun. Það er oft neytt til að yfirgefa hús sín og má þola rasisma og lögregluofbeldi.

Franska lögreglan er iðulega sökuð um alvarleg mannréttindabrot, oft gegn minnihlutahópum, en er sjaldan dregin til ábyrgðar fyrir þau brot, segir í nýrri skýrslu Amnesty International.

Í fjórtándu grein Mannréttindayfirlýsingar Sameinuðu þjóðanna segir: „Rétt skal mönnum vera að leita og njóta griðlands erlendis gegn ofsóknum.“ Réttur flóttamanna er tryggður í fjölmörgum alþjóðasamningum og er þeirra mikilvægastur flóttamannasamningur Sameinuðu þjóðanna frá árinu 1951.

Stuðningur félaga í Amnesty International við Saidzhakhon Zainabitdinov, fyrrum samviskufanga frá Úsbekistan, og fjölskyldu hans meðan hann sat í fangelsi hafði svo mikil áhrif á hann að hann ákvað að gerast félagi í skyndiaðgerðanetinu.

Oleg Alkaev var yfirmaður aftökusveitar í fangelsi í Hvíta-Rússlandi frá 1996 til 2001. Í myndbandinu lýsir hann hræðilegum áhrifum dauðarefsingarinnar á fjölskyldu fangans.

Mannréttindasamtökin Amnesty International tóku á heimsþingi samtakanna árið 2003 ákvörðun um að andmæla notkun, vörslu, framleiðslu og flutningi á kjarnavopnum.

Yfirvöld í Mexíkó hafa fallið frá ákærum gegn fjórum baráttumönnum fyrir mannréttindum frumbyggja landsins. Þeir hafa setið í fangelsi í hartnær ár í Guerrero-ríki, þrátt fyrir haldlítil sönnunargögn gegn þeim. Búist er við að þeim verði sleppt innan skamms.

Yfirvöld í Mexíkó hafa fallið frá ákærum gegn fjórum baráttumönnum fyrir mannréttindum frumbyggja landsins. Þeir hafa setið í fangelsi í hartnær ár í Guerrero-ríki, þrátt fyrir haldlítil sönnunargögn gegn þeim. Búist er við að þeim verði sleppt innan skamms.

Fleiri voru teknir af lífi í Asíu en í nokkurri annarri heimsálfu árið 2008. Kína tók fleiri af lífi en öll önnur lönd til samans. Einungis eitt land í Evrópu beitir dauðarefsingunni: Hvíta-Rússland. Þetta kemur fram í nýrri skýrslu Amnesty International um notkun dauðarefsingarinnar um víða veröld árið 2008.