Réttlætis- og jafnræðishreyfingin (The Justice and Equality Movement) og súdanska ríkisstjórnin eru sögð hafa komist að samkomulagi þann 16. febrúar sem ryður brautina fyrir friðarviðræðum um Darfúr.

Í tilefni af flutningi skrifstofu deildarinnar í nýtt húsnæði að Þingholtstræti 27, 3 hæð bjóðum við félaga og aðra velunnara Amnesty International velkomna í heimsókn á milli 17 og 19, föstudaginn 20.febrúar.

Átökin á Sri Lanka halda áfram. Aðstæður almennings á átakasvæðunum fara versnandi. Æ fleiri raddir krefjast þess nú að ríkisstjórn Sri Lanka og Tamílsku tígrarnir semji um vopnahlé.

Skyndiaðgerðabeiðnum Amnesty International fjölgaði um nítján á milli áranna 2007 og 2008 en alls voru 350 beiðnir til varnar fórnarlömbum mannréttindabrota gefnar út af Amnesty International.

Þann 4. desember síðastliðinn beindist rannsókn lögreglu í Króatíu að manni sem grunaður er um að hafa sent morðhótanir til króatíska blaðamannsins Drago Hedl. Málið er til frekari rannsóknar hjá saksóknara í Osijek.

Amnesty International fagnar ákvörðun Barack Obama um að fresta öllum réttarhöldum sem fyrirhuguð voru fyrir herdómsstól í Gvantanamó. Samtökin binda miklar vonir við að þessi fyrstu skref forsetans við stjórnvölin gefi vísbendingar um fyrirætlun hinnar nýju ríkisstjórnar að hverfa frá öllum ólögmætum aðgerðum sem fráfarandi stjórn hefur beitt sér fyrir. Blikur eru á lofti um mikilvæga stefnubreytingu í mannréttindamálum Bandaríkjanna. Amnesty International  lýsti  því yfir á þriðjudaginn síðastliðinn að þessi fyrstu skref nýrrar ríkisstjórnar lofuðu góðu. Þau vonuðust til að þeim yrði fylgt eftir með lokun Gvantanamó fangabúðanna og að horfið yrði að fullu frá þessum ólögmætu réttarhöldum. Amnesty International benti á að Barack Obama hafi undirstrikað í innsetningarræðu sinni að skýr þörf væri á að segja skilið við fortíðina. „Forsetinn kvað valið á milli þjóðaröryggis og hugsjóna byggt á fölskum forsendum, og fagna samtökin því.“   Í tilskipun sem gefin var út þann 20. janúar er kveðið á um hundrað og tuttugu daga frest á fyrirhuguðum réttarhöldum í Gvantanamó yfir fimm föngum sem sætt hafa leynilegu gæsluvarðhaldi undir eftirliti Leyniþjónustu Bandaríkjanna. Fram kom í fyrrgreindri tilskipun að fresturinn væri nauðsynlegur til að ný ríkisstjórn gæti vandlega farið yfir mál Gvantanamó-fanga sem ekki verða leystir úr haldi í bráð, fluttir til síns heima eða til þriðja lands. Meta þarf hvort lögsókn á hendur þessum föngum eigi rétt á sér og hvaða vettvangur hentar lögsókn af þessu tagi í framtíðinni.   Framkvæmdastjóri Amnesty International, Irene Khan sagði „að opinber tilskipun Barack Obama um lokun Gvantanamó fangabúðanna væri stórt stökk fram á við og „ merki um að ný ríkisstjórn væri viljug að hverfa frá misgjörðum fortíðarinnar. Með því að láta lokun Gvantanamó hafa algeran forgang á fyrstu fjörtíu og átta stundunum í embætti, sendir Barack Obama, þau mikilvægu skilaboð til heimsins, að nú séu Bandaríkin að loka á myrkan kafla í sögu þjóðarinnar.“   Í tilskipun forsetans, sem var undirrituð í dag kemur fram að fangabúðunum „skuli lokað eins skjótt og framkvæmanlegt er, og eigi síðar en að ári liðnu frá undirritun þessarar tilskipunar.“ Að sögn Amnesty International vísar tilvísunin; „eins skjótt og framkvæmanlegt er“, til brýnnar nauðsynjar og sendir út þau skilaboð að þeim föngum sem ekki hafa sætt ákæru hefði átt að leysa úr varðhaldi fyrir mörgum árum.   Bandarísk stjórnvöld hafa varið umtalsverðu fjármagni í starfrækslu Gvantanamó fangabúðanna á undanförnum sjö árum og ættu nú að verja orku sinni og fjármunum í að tryggja skjóta og lögmæta lokun þeirra. Sú barátta sem Amnesty International og önnur mannréttindasamtök hafa háð á undanförnum árum fyrir lokun Gvantanamó hefur loks borið ávöxt. Við treystum á ríkisstjórn Obama að halda áfram á sömu braut og bæta upp fyrir þau mörgu mistök sem fráfarandi ríkisstjórn hefur framið á undanförnum árum í nafni baráttunnar gegn hryðjuverkum. Barack Obama undirritaði aðra tilskipun í dag sem mælir fyrir um að allir starfmenn sem starfa í umboði ríkisins skuli fara að ákvæðum í handbók bandaríska hersins frá árinu 2006, en þau leggja blátt bann við tilteknum aðferðum „ef þær eru notaðar samhliða yfirheyrslu; þar með talið „pyndingaraðferðir í vatni (pyndingaraðferð sem líkist drukknun og var hleypt á stokkana af Leyniþjónustu Bandaríkjanna) þvinguð nekt eða kynferðislega niðurlægjandi aðferðir, barsmíðar, rafmagnsstuð, notkun á kuflhettum, öfgar í hitastigi eða sviðsettar líflátsaðgerðir. Fyrrgreind tilskipun mælir jafnframt fyrir um að Leyniþjónusta Bandaríkjanna loki öllum leynifangelsum, hvar sem þau kunna að vera niðurkominn og leggur bann við starfrækslu slíkra fangelsa í framtíðinni.                                                                                  

Amnesty International fordæmir morðið á lögfræðingnum Stanislav Markelov. Hann var skotinn til bana í miðborg Moskvu þegar hann bjó sig undir að áfrýja reynslulausn fyrrum rússnesks ofursta sem dæmdur var fyrir morðið á tsjetsjenskri stúlku.

Öryggissveitir í suðurhluta Taílands beita kerfisbundið pyndingum og annarri illri meðferð, samkvæmt nýrri skýrslu Amnesty International.

Salwa Salah og Sara Siureh frænka hennar, báðar 17 ára, sættu varðhaldsvist í Ísrael frá því í júní 2008, án ákæru eða réttarhalda. Þær voru báðar leystar úr haldi þann 1. janúar 2009.

Ekki sér fyrir endann á hörmungunum á Gasa þrátt fyrir að öryggisráð Sameinuðu þjóðanna hafi samþykkt nær einróma ályktun 1860 þann 9.janúar síðastliðinn, um tafarlaust og varanlegt vopnahlé stríðandi fylkinga. Um 1.5 milljón óbreyttra borgara eru innilokaðir á Gasa-svæðinu þar sem þeir eru berskjaldaðir gegn mannfalli og eignaspjöllum.

Amnesty International hefur skrifað til öryggisráðs Sameinuðu þjóðanna og hvatt til þess að þeir sem gerst hafa sekir um glæpi í átökunum á Gasa verði látnir sæta ábyrgð og að eftirlitsfólk með mannréttindum verði sent á svæðið. Bréfið var sent í kjölfar ályktunar ráðsins, sem það samþykkti nær einróma, þar sem hvatt er til tafarlauss og varanlegs vopnahlés á Gasa.

Hið alþjóðlega mannréttindakerfi hefur beðið mikinn hnekki allt frá því að Bandaríkjastjórn hóf hið svokallaða „stríð gegn hryðjuverkum“ fyrir sjö árum síðan. Fangabúðirnar við Gvantanamó flóa á Kúbu eru skýr vitnisburður í þá veru þar sem grundvallarmannréttindum hefur verið fórnað í þeim yfirlýsta tilgangi að stuðla að öryggi bandarískra borgara.