Benedikt XVI er nú staddur í Afríku í sinni fyrstu heimsókn þangað. Meðal annars heimsækir hann Kamerún, þar sem kynlíf samkynhneigðra er refsivert athæfi.

Tuttugu og fjórum pólitískum föngum var nýlega sleppt í Mjanmar eftir að stjórnvöld tilkynntu að þau myndu leysa 6.313 fanga úr haldi. Einn þeirra er samviskufanginn Ma Khin Khin Leh, sem Amnesty International hefur barist fyrir frá því hún var handtekin í júlí 1999.

Þann 10. mars 2009 voru 50 ár liðin frá misheppnaðri uppreisn Tíbeta 1959, sem leiddi til þess að Dalai Lama, leiðtogi Tíbeta, flúði til Indlands. Á síðasta ári minntust Tíbetar uppreisnarinnar með fjölmörgum mótmælum í Tíbet og nærliggjandi héruðum.

Yfirvöld í Aserbaídsjan hafa hætt við lögsókn gegn þekktri baráttukonu fyrir mannréttindum. Leila Yunus, sem er framkvæmdastjóri Friðar- og lýðræðisstofnunarinnar, veitti fréttasíðunni www.day.az viðtal þar sem komu fram staðhæfingar um mannréttindabrot í réttarhöldum sem hún fylgist með.

Í tengslum við alþjóðlegan baráttudag kvenna efnir Íslandsdeild Amnesty International til sýningar á kvikmyndinni, Elas da Favela eða Women of the Favela, en hún segir sögu sex kvenna sem búa við sára fátækt í Brasilíu og upplifun þeirra af „stóraðgerðum“ lögreglunnar í júlí 2007

Í tilefni af alþjóðlegum baráttudegi kvenna, hinn áttunda mars síðastliðin, hefur Íslandsdeild Amnesty International sent samhljóða bréf til Rögnu Árnadóttur, dómsmálaráðaherra, Ástu Ragnheiðar Jóhannesdóttur, félags-og tryggingarmálaráðherra og Össurar Skarphéðinssonar, utanríkisráðherra, þar sem farið er fram á að Ísland fullgildi samning Evrópuráðsins um aðgerðir gegn mansali (Council of Europe on Action against Trafficking in Human Beings).

Amnesty International varar við því að 2.2. milljónir manna séu mikilli hættu á sjúkdómum og hungri í kjölfar ákvörðunar súdanskra yfirvalda um að reka meira en 10 mannúðarsamtök frá landinu.

Í kjölfar innrásar fjölþjóðlegs herliðs, undir stjórn Bandaríkjanna, í Afganistan árið 2001 til að koma stjórn Talíbana frá völdum, veittu yfirvöld í Afganistan loforð um að vernda mannréttindi kvenna og tryggja jafnrétti kynjanna. Frá þeim tíma hafa átta ár runnið sitt skeið og aðstæður afganskra kvenna eru enn dapurlegar.

Í tilefni af alþjóðlegum baráttudegi kvenna stendur Íslandsdeild Amnesty International fyrir undirskriftarsöfnun á heimasíðu samtakanna http://www.amnesty.is/undirskriftir til stuðnings konum og stúlkum í Afganistan.

Allt frá upphafi tuttugustu aldar hefur sérstakur baráttudagur kvenna verið haldinn hátíðlegur víða um heim, en árið 1975 lýstu Sameinuðu þjóðirnar því yfir að 8. mars skyldi vera Alþjóðlegur baráttudagur kvenna fyrir friði og jafnrétti.

Reza Alinejad var leystur úr haldi þann 3. desember síðastliðinn. Hann sat í Adelabad fangelsinu í Shiraz, í suðvesturhluta Íran. Reza Alinejad var ákærður fyrir morðið á Esmail Daroudi í desember árið 2002, en Alinejad var 17 ára gamall þegar Esmail Daroudi lést.

Í tilefni af flutningi skrifstofu deildarinnar í nýtt húsnæði að Þingholtstræti 27, 3 hæð bjóðum við félaga og aðra velunnara Amnesty International velkomna í heimsókn á milli 17 og 19, föstudaginn 20.febrúar.