Tveir menn sem voru ranglega sakfelldir í Kambódíu fyrir morðið á verkalýðsleiðtoganum Chea Vichea hafa verið leystir úr haldi gegn lausnargjaldi eftir nærri fimm ár í fangelsi.

Amnesty International hvetur öryggisráð Sameinuðu þjóðanna til að krefjast þess að Ísrael, Hamas og vopnaðir palestínskir hópar komi tafarlaust á vopnahléi á Gasa og heimili brýna mannúðaraðstoð til íbúa svæðisins.

Hið alþjóðlega bréfamaraþon Amnesty International var haldið í fimmta sinn á Íslandi laugardaginn 13. desember og fór þátttakan fram úr björtustu vonum. Á þessum árlega viðburði hittast Amnesty-félagar og aðrir sem láta sér annt um mannréttindi og skrifa bréf og jólakort til þolenda mannréttindabrota sem og til þeirra sem bera ábyrgð á brotunum. Í ár tóku tíu sveitarfélög um land allt þátt í viðburðinum en leitað var eftir þátttöku almenningsbókasafna á mörgum stöðum þar sem þau eru víða miðpunktur mannlífs og mikilvægir samkomustaðir. Bréfamaraþon hafa ósjaldan verið haldin á bókasöfnum erlendis með góðum árangri og var það jafnframt raunin hérlendis. Að þessu sinni tók Íslandsdeild Amnesty International fyrir fimmtán mál frá Írak, Japan, Erítreu, Kóngó, Kambódíu, Mexíkó, Moldavíu, Íran, Nepal, Mósambík, Ísrael, Jórdaníu, Indlandi og Sri Lanka. Einnig setti deildin saman tillögur að kveðjum til þolenda mannréttindabrota og fjölskyldna þeirra, og útbúin voru fjórar gerðir af fyrirframskrifuðum póstkortum. Eitt til stuðnings mannréttindafrömuðinum Aung San Suu Kyi sem setið hefur í stofufangelsi í Mjanmar síðastliðin 18 ár, annað vegna þvingaðs mannshvarfs í Pakistan, hið þriðja til að þrýsta á stjórnvöld á Ítalíu vegna mismununar Roma-fólks þar í landi og að lokum til nýkjörins forseta Bandaríkjanna til að þrýsta á um lokun Gvantanamo fangabúðanna. Samtals voru 1921 bréf og kort send frá Íslandi þetta árið og er það fimmfalt fleiri en í fyrra. Bókasafn Grindavíkur sendi frá sér 60 bréf og kort, bókasafn Reykjanesbæjar 35, Selfoss 65, Kringlusafn 61, bókasafn Hafnarfjarðar 110, og bókasafn Akraness 56. Frá Akureyri voru send 444 bréf og kort, Ísafirði 86, Egilsstöðum 158, Höfn í Hornafirði 276, og 628 frá Reykjavík. Íslandsdeild Amnesty International sendir öllu því góða fólki sem stóð að framkvæmd bréfamaraþonsins og þeim mikla fjölda sem tók þátt, innilegustu þakkarkveðjur fyrir að láta sig mannréttindi svo miklu varða.  

hugheilar jóla- og áramótakveðjur frá Amnesty International á Íslandi. Stöndum saman vörð um mannréttindi árið 2009.

Bardagar stjórnarhersins og þungvopnaðra hópa í Norður-Kivu héraði í austanverðu Lýðveldinu Kongó hafa rekið nálægt 300.000 manns á flótta. Milljónir hafa dáið í landinu undanfarin tíu ár.

Hið árlega bréfamaraþon Amnesty International verður haldið laugardaginn 13. desember en það hefur aldrei verið með jafn stóru sniði og í ár; það verður haldið á Akureyri, Egilsstöðum, Ísafirði, Höfn í Hornafirði, Selfossi, Hafnarfirði, Akranesi, í Reykjanesbæ og í Reykjavík.

Ofbeldi gegn konum er ekki einkamál – ofbeldi gegn konum er mannréttindabrot

Amnesty International fagnar 60 ára afmæli Mannréttindayfirlýsingar Sameinuðu þjóðanna með glæsilegum tónleikum í Listasafni Reykjavíkur, Hafnarhúsinu á alþjóðlega mannréttindadaginn 10.desember 2008. Tónleikarnir hefjast kl. 20.00

Þann 25. nóvember, á alþjóðlegum baráttudegi gegn ofbeldi gegn konum, verður 16 daga átaki gegn kynbundu ofbeldi ýtt úr vör í 18 sinn. 16 daga átak hefur í frá 1991 unnið að því að draga kynbundið ofbeldi fram í dagsljósið sem mannréttindabrot. Hópar og samtök um allan heim hafa nýtt átakið til að krefjast aðstoðar og stuðnings til handa fórnarlömbum ofbeldis, til að styrkja forvarnastarf og þrýsta á um breytingar á löggjöf til að bæta réttarstöðu þolenda.

Eitt hundrað fjörtíu og sjö aðildarríki Sameinuðu þjóðanna samþykktu þann 31. október að halda áfram vinnu að gerð alþjóðlegs vopnaviðskiptasáttmála. Aðeins tvö ríki greiddu atkvæði gegn tillögunni; Bandaríkin og Simbabve.

Malasískur yfirréttur hefur skipað að bloggarinn Raja Petra Kamarudin skuli leystur úr haldi vegna þess að handtaka hans braut í bága við stjórnarskrána. Handtakan var gerð á grundvelli öryggislöggjafar landsins.

Næstkomandi laugardag hinn 22. nóvember efnir Íslandsdeild Amnesty International til almenns félagafundar. Fundurinn hefst kl. 11 og lýkur um klukkan 13.30 Hann verður í Hinu húsinu við Austurstræti, gamla pósthúsið.