Í tilefni af alþjóðlegum mannréttindadegi Sameinuðu þjóðanna 10. desemember afhenti Íslandsdeild Amnesty International innanríkisráðuneytinu, á, 2.026 undirskriftir Íslendinga sem taka undir áskorun deildarinnar um að íslensk stjórnvöld bregðist ekki þeirri skyldu sinni að taka á móti og vernda fólk á flótta samkvæmt 14. grein Mannréttindayfirlýsingar Sameinuðu þjóðanna sem segir: „Allir eiga rétt til að leita og njóta griðlands erlendis gegn ofsóknum“. 

Amnesty International fagnar því að mongólska þingið afnam dauðarefsinguna í landinu nýverið. Þetta er stórsigur fyrir mannréttindi í landinu og verður hann skráður í sögubækurnar.

Bréfamaraþon Íslandsdeildar Amnesty International fer fram í húsakynnum deildarinnar, laugardaginn 12. desember frá kl.13 til 18.

Að venju fer Bréfamaraþon Íslandsdeildar Amnesty Internatonal fram um land allt og aldrei hafa fleiri sveitafélög skráð sig til þátttöku. Íslandsdeildin þakkar öllu því ótrúlega fólki sem lagt hafa mikið á sig til að gera Bréfamaraþonið að þeim öfluga mannréttindaviðburði sem það er orðið á Íslandi. Án ykkar gætum við ekki unnið jafn kröftugt starf í þágu þolenda mannréttindabrota.

Jólakortin eru fáanlega á skrifstofu Amnesty International Þingholtsstræti 27, 101 Reykjavík auk þess að vera komin í verslanir Pennans / Eymundsson og Bóksölu stúdenta. Kortin eru 10 saman í pakka ásamt umslögum og kosta 1800 kr. og er hægt að fá þau með eða án áletraðri jólakveðju.

Sýrlenski læknirinn og flóttamaðurinn Bashar Farahat heldur erindi um varðhaldsvist í Sýrlandi, kerfisbundnar og útbreiddar pyndingar og aðra illa meðferð í varðhaldi en sjálfur sætti hann pyndingum í fangelsi, langvarandi áhrif pyndinga og lífið að lokinni fangavist. Bashar Farahat fjallar einnig um flóttamannastrauminn frá Sýrlandi. 

Á árlegu Bréfamaraþoni Amnesty International í kringum 10. desember, sem er alþjóðlegur mannréttindadagur, setja hundruð þúsunda einstaklinga, frá 150 löndum og landsvæðum, nafn sitt á milljónir bréfa og korta til stjórnvalda sem brjóta mannréttindi og þrýsta á umbætur.

Íslandsdeild Amnesty International stendur fyrir sýningu verðlauna- heimildamyndarinnar, In the land of the free (2010) í Bíó Paradís, fimmtudaginn 19. nóvember kl. 20 í sal 2. 

Nú styttist óðum í hið árlega bréfamaraþon þegar hundruð þúsunda koma saman og skrifa bréf til stjórnvalda um heim allan sem brjóta mannréttindi og senda kveðjur til þolenda brotanna.

Á hverju ári í kringum 10. desember setja hundruð þúsunda einstaklinga, frá 150 löndum og landsvæðum, nafn sitt á milljónir bréfa og korta til stjórnvalda sem brjóta mannréttindi og þrýsta á umbætur. 

Dauðarefsingin er enn notuð í „stríðinu gegn fíkniefnum“ þar sem ískyggilegur fjöldi ríkja í heiminum tekur fólk af lífi vegna sakfellingar fyrir fíkniefnabrot en aftökurnar eru skýrt brot gegn alþjóðalögum, segir í yfirlýsingu Amnesty International í tilefni af alþjóðlegum degi gegn dauðarefsingunni 10. október.

Í rúmlega 50 ár hefur Amnesty International barist fyrir stjórnmálalegum og borgaralegum réttindum, þar á meðal réttarins til mannúðlegrar meðferðar handtekinna manna og til réttlátrar málsmeðferðar.