Taktu þátt í aðgerð Amnesty International og hvettu Ísraelsmenn og vopnaða hópa Palestínumanna til að tryggja öryggi allra borgara! Skrifaðu orðið STOP (á hebresku מספיק eða arabísku كفى) í lófann á þér og deildu myndinni undir hashtagginu #CiviliansUnderFire.
Amnesty International kallar eftir alþjóðlegri rannsókn á öllum brotum sem framin eru í tengslum við loftárásir Ísraelsmanna á Gasaströndinni og ófyrirsjáanlegar flugskeytaskothríðir vopnaðra hópa Palestínumanna á Ísrael.
Í skýrslu Amnesty International, Central African Republic: Time for Accountability, eru skráðir glæpir sem falla undir alþjóðalög, sem framdir voru á tímabilinu 2013 og 2014 um allt land. Kallað er eftir því að ódæðismennirnir sæti rannsókn, þeir verði sóttir til saka og látnir sæta refsingu.
Amnesty International fagnar lausn Ales Bialiatski, samviskufanga í Hvíta-Rússlandi, sem leystur var úr haldi laugardaginn 21. júní, fyrr en áætlað var eftir nærri þrjú ár í fangelsi. Ales Bialitatski taldi að stöðugur þrýstingur innanlands sem utan hafi leitt til lausnar hans, einu ári og átta mánuðum fyrr en áætlað var.
Alþjóðlegur dagur til stuðnings fórnarlömbum pyndinga er 26. júní ár hvert. Í tilefni af því að 30 ár eru liðin frá því að samningurinn um bann við pyndingum og annarri ómannúðlegri og vanvirðandi meðferð tók gildi á vettvangi Sameinuðu þjóðanna hefur Amnesty International ýtt úr vör herferð gegn pyndingum.
Hæstiréttur Kína kallaði nýverið eftir endurupptöku á máli Li Yan,43 ára konu, sem var dæmd til dauða fyrir morð á ofbeldisfullum eiginmanni sínum. Málið fékk gífurlega athygli innanlands sem utan þar sem þrýst var á yfirvöld að draga dauðadóm hennar til baka. Íslandsdeild Amnesty International tók upp mál hennar í janúar 2013 í netákalli.
Frumbyggjasamfélaginu Sawhoyamaxa hefur verið veittur réttur til að snúa aftur til lands síns eftir að forseti Paragvæ skrifaði undir lög 11. júní um endurheimtingu lands þeirra. Þetta er stór sigur fyrir samfélagið sem hefur barist fyrir réttindum sínum í rúm 20 ár.
Að sögn Amnesty International eiga mótmælendur í Brasilíu sem gripið hafa til aðgerða í aðdraganda heimsmeistarakeppninnar í fótbolta á hættu að sæta ofbeldi af höndum lögreglu og hervaldsins í viðleitni þeirra til að bæla niður mótmælin.
Íslandsdeild Amnesty International og Ásta Kristjánsdóttir ljósmyndari tóku höndum saman við gerð ljósmyndasýningarinnar Minn líkami, Mín réttindi sem opnar þann 11. júní klukkan 17:00 í sýningarsalnum Gym&Tonic á Kex Hostel.
Í aðdraganda Heimsmeistarakeppninnar í fótbolta í Brasilíu hafa átt sér stað fjölmenn mótmæli sem lögregluyfirvöld hafa svarað með afli, og í sumum tilvikum beitt táragasi og gúmmíkúlum.
Amnesty International er alþjóðleg hreyfing fólks sem berst fyrir því að alþjóðlega viðurkennd mannréttindi séu virt og að allir njóti verndar þeirra. www.amnesty.is