Tyrkland
Hivda Selen, Sinem Çelebi og Doğan Nur voru handtekin að geðþótta sama dag og gleðigangan fór fram í Istanbúl í Tyrklandi. Þau eru aðgerðasinnar sem hafa sætt gæsluvarðhaldi frá 30. júní á grundvelli tilhæfulausra ákæra fyrir það eitt að nýta sér rétt sinn til friðsamlegrar samkomu. Réttarhöld yfir þeim hefjast 8. ágúst.
Bann við gleðigöngu
Þetta mál er lýsandi fyrir aukna glæpavæðingu hinsegin kyntjáningar og friðsamlegrar samkomu í Tyrklandi. Frá árinu 2015 hafa tyrknesk yfirvöld kerfisbundið hindrað gleðigönguna með ólögmætum hætti. Gleðigangan og hinsegin viðburðir hafa verið bannaðir sem er brot á tjáningar- og fundafrelsinu.
Handtökur og gæsluvarðhald
Fjöldi fólks var handtekinn í gleðigöngunni í Istanbúl sem fór fram 29. júní á þessu ári. Hivda Selen, Sinem Çelebi og Doğan Nur voru aftur á móti ekki í gleðigöngunni þegar þau voru handtekin heldur voru þau staðsett á þremur ólíkum stöðum í borginni. Við handtöku voru þau spurð um þátttöku í gleðigöngunni. Hivda Selen, Sinem Çelebi og Doğan Nur eru þau einu sem sæta gæsluvarðhaldi en öll hin sem voru handtekin í gleðigöngunni voru leyst úr haldi degi síðar.
Gríptu til aðgerða
Skrifaðu undir og krefstu þess að Hivda Selen, Sinem Çelebi og Doğan Nur verði leyst úr haldi og allar ákærur á hendur þeim og öðrum sem eru ákærð fyrir að nýta rétt sinn til friðsamlegrar samkomu verði felldar niður.
Þín undirskrift getur bjargað mannslífi
Tyrkland
Hivda Selen, Sinem Çelebi og Doğan Nur voru handtekin að geðþótta sama dag og gleðigangan fór fram í Istanbúl í Tyrklandi. Þau eru aðgerðasinnar sem hafa sætt gæsluvarðhaldi frá 30. júní á grundvelli tilhæfulausra ákæra fyrir það eitt að nýta sér rétt sinn til friðsamlegrar samkomu.
Ísrael
Saleh Diab og stórfjölskylda hans, alls 23 einstaklingar og þar af nokkur börn, eiga á hættu að sæta ólögmætum flutningum frá Austur-Jerúsalem. Fjölskyldan hefur staðið í lagalegri baráttu við landtökufólk í áratugi. Þetta eru þvingaðir brottflutningar sem eru leiddir af landtökuhópnum Nachalat Shimon og eru hluti af víðtæku eignarnámi í Sheikh Jarrah-hverfinu í Austur-Jerúsalem.
Georgía
Mótmæli í Georgíu hófust 29. nóvember 2024 og standa enn yfir. Almenningur mótmælir kúgandi lögum og ákvörðun stjórnvalda um að gera hlé á ferli um inngöngu í Evrópusambandið. Yfirvöld hafa bælt niður mótmælin með ofbeldisfullum hætti. Hundruð einstaklinga eru sagðir hafa sætt pyndingum og illri meðferð. Alþjóðasamfélagið þarf að sýna samstöðu með mótmælendum í Georgíu og vernda réttinn til að mótmæla.
Hong Kong
Owen Chow Ka-shing er ungur aðgerðasinni sem hefur beitt sér fyrir lýðræði í Hong Kong. Hann var virkur þátttakandi í mótmælahreyfingu sem kennd var við regnhlífar árið 2014 og í mótmælum gegn frumvarpi um framsal frá Hong Kong til Kína árið 2019. Chow er í fangelsi fyrir að nýta tjáningar- og fundafrelsið með friðsamlegum hætti. Hann afplánar nú 12 ára og 10 mánaða dóm.
Búlgaría
Fjölskyldur Rómafólks voru bornar út og hús þeirra rifin niður. Nær 200 manneskjur urðu heimilislausar, þar með talin börn, eldri borgarar, barnshafandi konur og fatlað fólk. Skrifaðu undir ákall þar sem krafist er að búlgörsk yfirvöld veiti Rómafjölskyldunum sem urðu fyrir útburðinum viðunandi húsnæði, heilbrigðisþjónustu og félagsaðstoð.
Fílabeinsströndin
Hettuklæddir menn handtóku Ghislain Duggary Assy, upplýsingafulltrúa stéttarfélags kennara, í kjölfar þess að bandalag stéttarfélaga kennara blés til verkfalls á Fílabeinsströndinni. Ghislain fékk tveggja ára fangelsisdóm. Skrifaðu undir ákall um að Ghislain Duggary Assy verði leystur úr haldi, tafarlaust og án skilyrða.
Rússland
Í Rússlandi eru þúsundir úkraínskra hermanna og óbreyttra borgara í haldi. Fjölskyldur stríðsfanganna fá engar upplýsingar og ná ekki sambandi við fjölskyldumeðlimi sem eru í haldi. Þær leita örvæntingafull upplýsinga um ástvini sína og fjölskyldumeðlimi. Margir fangar njóta ekki grundvallarréttinda svo sem að eiga í samskiptum við ástvini og fjölskyldur og verða fyrir ómannúðlegri meðferð eins og pyndingum, kynferðisofbeldi og er synjað um heilbrigðisþjónustu á sama tíma og heilsu þeirra hrakar. Þessi meðferð fanga telst til stríðsglæpa og glæpa gegn mannúð. Skrifaðu undir ákall um að rússnesk yfirvöld bindi enda á þessa stríðsglæpi og glæpi gegn mannúð.
Haítí
Síaukið ofbeldi glæpagengja á Haítí bitnar verst á haítískum börnum. Þau eru svipt öruggu rými til að leika sér og læra og eru neydd til að alast upp í umhverfi þar sem ótti og óvissa ráða ríkjum. Vegna áskorana hjá haítískum yfirvöldum og aðgerðaleysis alþjóðasamfélagsins hefur neyðin aukist og skapað vítahring ofbeldis og vanrækslu. Skrifaðu undir ákall til haítískra yfirvalda og krefstu verndar fyrir börn á Haítí.
Ekvador
Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna, stuðli að réttlátum orkuskiptum þar sem dregið verður smám saman úr notkun jarðefnaeldsneytis.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
