Bandaríkin
Andry José Hernández Romero er samkynhneigður förðunarmeistari sem flúði Venesúela þar sem hann óttaðist um líf sitt vegna kynheigðar sinnar og pólitískra skoðana. Hann sótti um alþjóðlega vernd í Bandaríkjunum árið 2024.
Ólögleg brottvísun
Tveimur dögum fyrir áheyrn í máli hans, þann 15. mars 2025, var hann ólöglega handtekinn og skyndilega vísað úr landi. Andry var í hópi 261 einstaklings sem var sendur ólöglega í CECOT-fangelsið í El Salvador án lagalegrar verndar í kjölfar þess að ríkisstjórn Trumps kallaði þá „erlenda óvini“.
Þetta var gert án dómsúrskurðar, áheyrnar og sanngjarnrar málsmeðferðar. Lögfræðingur Andrys fékk enga tilkynningu um brottvísunina.
Grimmilegar aðstæður í fangelsi
CECOT-fangelsið í El Salvador er eitt hættulegasta fangelsið í Norður- og Suður-Ameríku og alræmt fyrir ómannúðlegar og grimmilegar aðstæður. Amnesty International hefur skrásett gífurleg þrengsli, skort á læknisþjónustu og víðtæka illa meðferð sem hefur í nokkrum tilvikum leitt til dauða.
Gömlum stríðslögum beitt
Brottvísun Andrys var byggð á aldagömlum stríðslögum sem ríkisstjórn Trumps hefur beitt til að brottvísa fjölda fólks án sanngjarnrar málsmeðferðar. Margir þessir einstaklingar, líkt og Andry, sóttu um alþjóðlega vernd og hafa engin tengsl við glæpagengi og eru með hreina sakaskrá.
Ríkisstjórn Trumps telur sig geta hunsað lög og dómsúrskurði að geðþótta og litið fram hjá mannlegri virðingu.
Hvað þarf að gera?
Heimavarnaráðherra Bandaríkjanna verður að tryggja að Andry og öllum hinum sem var ólöglega vísað úr landi verði sendir til baka til Bandaríkjanna til að fá sanngjarna málsmeðferð á umsókn um alþjóðlega vernd og að hætt verði við frekari ólögmætar brottvísanir.
Skrifaðu undir núna!
Þín undirskrift getur bjargað mannslífi
Bandaríkin
Andry José Hernández Romero er samkynhneigður förðunarmeistari sem flúði Venesúela þar sem hann óttaðist um líf sitt vegna kynheigðar sinnar og pólitískra skoðana. Hann sótti um alþjóðlega vernd í Bandaríkjunum árið 2024.
Ungverjaland
Gleðigangan í Búdapest í Ungverjalandi er í hættu. Ný lög sem banna samkomur til stuðnings hinsegin réttindum eru beinar árásir á hinsegin fólk, stuðningsfólk og réttinn til að mótmæla. Gleðigangan er friðsamleg kröfuganga um jafnrétti og réttlæti. Stefnt er á að hún verði haldin í Búdapest 28. júní.
Búlgaría
Fjölskyldur Rómafólks voru bornar út og hús þeirra rifin niður. Nær 200 manneskjur urðu heimilislausar, þar með talin börn, eldri borgarar, barnshafandi konur og fatlað fólk. Skrifaðu undir ákall þar sem krafist er að búlgörsk yfirvöld veiti Rómafjölskyldunum sem urðu fyrir útburðinum viðunandi húsnæði, heilbrigðisþjónustu og félagsaðstoð.
Fílabeinsströndin
Hettuklæddir menn handtóku Ghislain Duggary Assy, upplýsingafulltrúa stéttarfélags kennara, í kjölfar þess að bandalag stéttarfélaga kennara blés til verkfalls á Fílabeinsströndinni. Ghislain fékk tveggja ára fangelsisdóm. Skrifaðu undir ákall um að Ghislain Duggary Assy verði leystur úr haldi, tafarlaust og án skilyrða.
Rússland
Í Rússlandi eru þúsundir úkraínskra hermanna og óbreyttra borgara í haldi. Fjölskyldur stríðsfanganna fá engar upplýsingar og ná ekki sambandi við fjölskyldumeðlimi sem eru í haldi. Þær leita örvæntingafull upplýsinga um ástvini sína og fjölskyldumeðlimi. Margir fangar njóta ekki grundvallarréttinda svo sem að eiga í samskiptum við ástvini og fjölskyldur og verða fyrir ómannúðlegri meðferð eins og pyndingum, kynferðisofbeldi og er synjað um heilbrigðisþjónustu á sama tíma og heilsu þeirra hrakar. Þessi meðferð fanga telst til stríðsglæpa og glæpa gegn mannúð. Skrifaðu undir ákall um að rússnesk yfirvöld bindi enda á þessa stríðsglæpi og glæpi gegn mannúð.
Haítí
Síaukið ofbeldi glæpagengja á Haítí bitnar verst á haítískum börnum. Þau eru svipt öruggu rými til að leika sér og læra og eru neydd til að alast upp í umhverfi þar sem ótti og óvissa ráða ríkjum. Vegna áskorana hjá haítískum yfirvöldum og aðgerðaleysis alþjóðasamfélagsins hefur neyðin aukist og skapað vítahring ofbeldis og vanrækslu. Skrifaðu undir ákall til haítískra yfirvalda og krefstu verndar fyrir börn á Haítí.
Ekvador
Stjórnvöld í Ekvador hafa ekki framfylgt dómsúrskurði sem féll í vil níu baráttustúlkna og ungra kvenna um að binda enda á notkun gasbruna í Amazon-skóginum. Gasbrunar brjóta á réttindum íbúa nærliggjandi svæða vegna mengunar sem þeir valda. Skrifaðu undir ákall og krefstu þess að forseti Ekvador hrindi af stað áætlun um að stöðva notkun gasbruna (sérstaklega þeirra sem staðsettir eru 5 km frá byggð) í samræmi við dómsúrskurð, verndi mannréttindi íbúa sem búa í grennd við gasbruna, stuðli að réttlátum orkuskiptum þar sem dregið verður smám saman úr notkun jarðefnaeldsneytis.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
