Rússland

Látið umhverfisaðgerðasinna lausan

Vyacheslav Egorov er mikil­virkur umhverfis­að­gerðasinni frá bænum Kolomna í Rússlandi. Hann stóð fyrir frið­sam­legum mótmælum vegna fyrir­hug­aðrar land­fyll­ingar árið 2018. Hann var rang­lega ákærður og settur í stofufang­elsi árið 2019.

Stofufang­elsinu lauk sex mánuðum síðar en ákær­urnar á hendur honum voru ekki felldar niður. Þann 14. október 2021 var Vycheslav Egorov hand­tekinn og dæmdur í eins árs og þriggja mánaða fang­elsi. Rúss­nesk yfir­völd verða samstundis að láta hann lausan.

Vyacheslav leiddi frið­samleg mótmæli fjölda fólks í heimabæ sínum Kolomna þar sem mótmæl­endur voru þeirrar skoð­unar að land­fylling myndi skaða umhverfið. Vyacheslav var ákærður þann 31. janúar 2019 á grund­velli 212.1 greinar rúss­neskra hegn­ing­ar­laga, einnig þekkt sem „Dadin greinin“, sem refsi­væðir „ítrekuð brot á reglu­gerðum um opin­berar samkomur“. „ Dadin greinin“ var innleidd árið 2014 í þeim tilgangi að takmarka funda­frelsi og stangast hún á við mann­rétt­inda­skyldur Rúss­lands.

Áfrýjun Vyascheslav verður tekin fyrir dómstóla á næst­unni. Það er því mikil­vægt að grípa til aðgerða og krefjast þess að ákærur á hendur honum verði felldar niður og hann leystur úr haldi.

Á tímum hamfara­hlýn­unar er mikil­vægt að við stöndum með umhverfis­að­gerða­sinnum. Frið­samleg mótmæli Vyacheslav eiga að fá að heyrast en ekki að leiða til fang­els­is­dóms.

Skrifaðu undir ákall um að ríkis­sak­sóknari Rúss­lands, Igor Krasnov, geri allt sem í hans valdi stendur til að leysa Vyacheslav Egorov úr haldi samstundis og að ákærur á hendur honum verði felldar niður.

Þau þurfa þína hjálp!

Þín undirskrift getur bjargað mannslífi

Egyptaland

Mannréttindalögfræðingur þjáist í fangelsi og fær ekki læknisaðstoð

Hoda Abdelmoniem hefur verið í varðhaldi í fjögur ár að geðþótta yfirvalda. Réttarhöld standa yfir í máli hennar vegna falskra ákæra sem má rekja til mannréttindastarfs hennar. Egypsk yfirvöld synja henni um samskipti við fjölskyldu og viðunandi læknisaðstoð þrátt fyrir að Hoda glími við alvarlegan heilsubrest. Hún á langa sjúkrasögu að baki, er með hjartasjúkdóm og nýrun eru að gefa sig. Augu heimsins eru á Egyptalandi í tengslum við loftslagsráðstefnuna COP27 sem haldin verður þar í landi dagana 6.-18. nóvember. Nú er einstakt tækifæri til að skapa aukinn þrýsting á egypsk stjórnvöld. Skrifaðu undir og krefstu þess að mannréttindi séu virt í Egyptalandi og að Hoda Abdelmoniem verði látin laus skilyrðislaust og án tafar.

Íran

Blóðsúthellingunni verður að linna

Mótmæli hafa brotist út á landsvísu í Íran í kjölfar þess að hin 22 ára gamla Mahsa (Zhina) Amini lét lífið í varðhaldi yfirvalda. Írönsk yfirvöld hafa brugðist grimmilega við mótmælunum. Við krefjumst þess að alþjóðasamfélagið grípi til aðgerða.

Færeyjar

Réttur til þungunarrofs ekki virtur

Alþjóðadagur öruggs þungunarrofs er ár hvert 28. september. Á þeim degi er sjálfræði yfir eigin líkama fagnað og vakin athygli á því að réttur til þungunarrofs er víða takmarkaður. Færeyjar eru eina þjóðin á Norðurlöndunum þar sem konur geta ekki tekið sjálfstæða ákvörðun um þungunarrof. Færeysk þungunarrofslög eru með þeim ströngustu í Evrópu. Við krefjumst þess að færeyskar stúlkur, konur og ólétt fólk fái að njóta réttarins til þungunarrofs.

Bandaríkin

Bandaríkin: Verndið réttinn til þungunarrofs

Hæstiréttur Bandaríkjanna hefur snúið við fordæmi dóms sem verndaði réttinn til þungunarrofs í landinu. Krefjumst þess að ríkisstjórar í öllum ríkjum Bandaríkjanna komi í veg fyrir þungunarrofsbann og verndi réttinn til þungunarrofs. 

Rússland

Stöðvið árásina og verndið almenning í Úkraínu

Hörmungar og mannréttindaneyð dynur á Úkraínubúum. Nú þegar hafa fullorðnir og börn látið lífið og líf fleiri þúsunda eru í hættu. Krefstu þess að rússnesk yfirvöld stöðvi þessa árás og verndi almenna borgara núna strax!

Bandaríkin

Bandaríkin felli niður ákærur á hendur Julian Assange

Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.