Kína
Kínversk stjórnvöld nýta Ólympíuleikana í Peking til að styrkja ímynd sína og dreifa athyglinni frá mannréttindabrotum sem eiga sér stað þar í landi.
Í Kína er fólk fangelsað, handtekið og numið á brott fyrir að nýta tjáningarfrelsi sitt. Það má ekki gleyma þeim einstaklingum þegar fylgst er með Vetrarólympíuleikunum.
Í febrúar og mars 2022 eiga Vetrarólympíuleikarnir og Vetrarólympíuleikar fatlaðra sér stað í Peking í Kína. Kínversk stjórnvöld nýta stórmót á borð við þessi í þeim tilgangi að nýta vinsældir íþrótta sér í hag og bæta ímynd sína á alþjóðavettvangi.
Sportþvætti (e. Sportwashing) er hugtak sem nær yfir þetta og þekkist meðal ríkja sem vilja beina kastljósinu frá mannréttindabrotum í eigin landi.
Hægt er að telja upp ófá mannréttindabrot í Kína en brot gegn tjáningarfrelsinu krefst sérstakrar athygli á heimsviðburði sem þessum. Það að kínversk stjórnvöld séu halda alþjóðlegt stórmót sem er ætlað að stuðla að alþjóðasamvinnu og gagnkvæman skilning er í hrópandi mótsögn við þá ritskoðun og ógnarstjórn gegn tjáningarfrelsi einstaklinga sem á sér stað í Kína.
Meðan á Vetrarólympíuleikunum stendur vekjum við athygli á fimm aðgerðasinnum í Kína sem hafa verið frelsissviptir eða hafa horfið í kjölfar þess að hafa nýtt sér réttinn til tjáningar. Zhang Zhan, Ilham Toti, Li Quaochu, Gao Zhisheng og Rinchen Tsultrim tilheyra samfélagshópum sem eru undir ströngu eftirliti kínverskra yfirvalda og verða fyrir ítrekuðum brotum á tjáningarfrelsi og öðrum tengdum mannréttindabrotum.
Skrifaðu undir og þrýstu á að kínversk yfirvöld felli niður allar ákærur gegn aðgerðasinnunum fimm og leysi þá úr haldi án tafar.
Þín undirskrift getur bjargað mannslífi
Rússland
Dmitry Skurikhin er verslunareigandi og aðgerðarsinni sem afplánar 18 mánaða dóm á fanganýlendu í Rússlandi fyrir brot á ritskoðunarlögum um hernað. Skrifaðu undir og kallaðu eftir því að rússnesk stjórnvöld leysi Dmitry Skurikhin skilyrðislaust úr haldi án tafar.
Rússland
Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.
Kólumbía
Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Lýðstjórnarlýðveldið Kongó
Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.
Venesúela
Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.
Ísrael
Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
