Íran

Þýsk-íranskur stjórnarandstæðingur í haldi

Jamshid Sharmahd er 66 ára gamall þýsk-íranskur stjórn­ar­and­stæð­ingur í haldi íranskra yfir­valda sem gefa ekki upp hvar honum er haldið.  Yfir­völd hafa frá því í sept­ember 2021 einnig bannað fjöl­skyldu hans að hafa samband við hann. 

Hann er ákærður fyrir „jarð­neska spill­ingu” (efsad-e fel-arz)  og gæti átt yfir höfði sér dauðarefs­ingu. Hann hefur ekki fengið sann­gjarna máls­með­ferð.   

Jamshid Sharmahd var búsettur í Banda­ríkj­unum og tals­maður íransks stjórn­ar­and­stöðu­hóps í Banda­ríkj­unum sem hefur það markmið að steypa af stóli íslamska ríkinu og snúa aftur til stjórn­ar­fyr­ir­komu­lags Íran fyrir íslam.   

Yfir­völd gáfu upp að Jamshid Sharmahd hefði verið hand­tekinn þann 1. ágúst 2020. Sama dag stað­hæfði Mahmoud Alavi, ráðherra leyni­þjón­ustu Íran, að Jamshid Sharmahd hefði fengið „mikinn stuðning frá leyni­þjón­ustum Banda­ríkj­anna og Ísrael” og verið „ sendur” til Íran í „viða­mikla hern­að­ar­að­gerð”. Hann sagði einnig að hann væri í haldi írönsku leyni­þjón­ust­unnar. Jamshid hafði verið í Sameinuðu arab­ísku fursta­dæmunum og er talið að útsend­arar írönsku leyni­þjón­ust­unnar hafi numið hann á brott þar og farið með hann til Íran.  

Hann var þving­aður til að játa glæpi sem hann hefur áður stað­hæft að hann tengdist ekki. Játn­ingin var flutt í ríkis­sjón­varpi og útvarpi þar sem hann var kall­aður hryðju­verka­maður.  

Í lok nóvember 2020 sagði Jamshid fjöl­skyldu sinni í hvaða fang­elsi hann væri en í seinni símtölum hafði hann verið færður en vissi ekki hvert. Í einu símtali þann 23. mars 2021 sagðist hann vera búinn að léttast um 20 kíló og búið væri að fjar­lægja úr honum nokkrar tennur án útskýr­inga. 

Íran hefur mann­rétt­inda­skyldum að gegna og ber að veita öllum rétt­láta máls­með­ferð. Dauða­dómur án  sann­gjarnrar máls­með­ferðar gengur á rétt einstak­lings til lífs.  

Jamshid Sharmahd var hand­tekinn að geðþótta og því bera að leysa hann úr haldi. Á meðan hann er í haldi ber írönskum stjórn­völdum að tryggja að hann geti haft samband við fjöl­skyldu og lögfræðing að eigin vali ásamt því að hann fái viðeig­andi lækn­is­þjón­ustu. Auk þess ber þeim að tryggja að hann fái sann­gjörn rétt­ar­höld í samræmi við alþjóð­lega staðla.  

Krefstu þess að írönsk stjórn­völd leysi Jamashid Sharmahd úr haldi.  

Þau þurfa þína hjálp!

Þín undirskrift getur bjargað mannslífi

Rússland

Afnema verður ritskoðunarlög sem kæfa andóf

Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.

Ísrael

Tryggja þarf mannúðaraðstoð til Gaza

Skrifaðu undir og krefstu þess að forsætisráðherra Ísraels komi í veg fyrir að mannúðarneyðin aukist enn frekar og framfylgi úrskurði Alþjóðadómstólsins með því  að tryggja mannúðaraðstoð og læknisaðstoð fyrir alla íbúa Gaza í samræmi við alþjóðalög.

Kólumbía

Verndum mannréttindafrömuði í Kólumbíu

Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.

Alþjóðlegt

TikTok þarf að gæta öryggis barna og ungs fólks

Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.

Lýðstjórnarlýðveldið Kongó

Stöðvið þvingaða brottflutninga í Kolwezi

Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.

Venesúela

Leysið úr haldi ranglega fangelsaða Venesúelabúa

Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.

Ísrael

Stöðva þarf tæknivædda aðskilnaðarstefnu gegn Palestínubúum

Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.