SMS
1. september 2020Bandaríkin felli niður ákærur á hendur Julian Assange
Bandarísk yfirvöld verða að fella niður allar ákærur á hendur Julian Assange sem tengjast njósnum og birtingu gagna vegna starfa hans hjá Wikileaks. Miskunnarlausar tilraunir bandarískra stjórnvalda til að hafa hendur í hári Julian Assange vegna opinberunar gagna sem innihéldu meðal annars upplýsingar um mögulega stríðsglæpi bandaríska hersins eru alvarlegar árásir gegn réttinum til tjáningarfrelsis.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Julian Assange er í haldi í Belmarsh– öryggisfangelsinu í Bretlandi á grundvelli framsalsbeiðni Bandaríkjanna. Amnesty International leggst alfarið gegn því að Julian Assange verði framseldur eða fluttur með einum eða öðrum hætti til Bandaríkjanna. Julian Assange gæti átt á hættu varðhaldsvist við aðstæður sem teljast til pyndinga og annarrar illrar meðferðar, t.d. einangrunarvist. Í ljósi háværrar opinberrar umræðu embættisfólks í efstu lögum stjórnsýslunnar gegn honum er mikil hætta á ósanngjörnum réttarhöldum sem grefur alvarlega undan rétti Julian Assange til að vera álitinn saklaus uns sekt er sönnuð.
Krefstu þess að bandarísk stjórnvöld felli niður ákærur á hendur Julian Assange sem tengjast eingöngu birtingu gagna á Wikileaks.
Julian Assange birti trúnaðargögn í tengslum við störf sín hjá Wikileaks. Slík birting á ekki að vera refsiverð og svipar til starfa fjölmiðlafólks sem reglulega rannsakar mál í starfi sínu. Þessar ákærur gætu haft hrollvekjandi afleiðingar fyrir tjáningarfrelsið og leitt til þess að fjölmiðlafólk ritskoði sjálft sig af ótta við málsókn.
Verndum tjáningarfrelsið!
Lestu meira um málið hér
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu