SMS
25. maí 2021Danmörk: Ekki senda flóttafólk aftur til Sýrlands
Danmörk leggur hundruð flóttafólks í hættu með því að senda það aftur til Sýrlands. Dönsk yfirvöld staðhæfa að höfuðborgin Damaskus og nágrenni hennar séu örugg svæði í Sýrlandi. Þrátt fyrir að loftárásir og átök séu hætt á sumum svæðum, vofir enn hætta yfir þar sem sannanir eru fyrir því að pyndingar, þvinguð mannshvörf og varðhaldsvist eigi sér enn stað í landinu.
Taktu þátt í starfi Amnesty og skráðu þig í sms-aðgerðanetið hér!
Danmörk breytti stefnu sinni árið 2019 í málefnum flóttafólks. Áður var stefnan sú að styðja aðlögun flóttafólks en nú er markmiðið að senda burt flóttafólk með öllum tiltækum ráðum. Yfirlýst markmið forsætisráðherra Danmerkur, Mette Fredriksen er að losna við allt flóttafólk úr landinu. Dönsk stjórnvöld hafa því á síðastliðnum tveimur árum hraðað endurskoðun á landvistarleyfi 900 einstaklinga frá Sýrlandi.
Sýrlendingunum er haldið við óviðunandi aðstæður með það að markmiði að þvinga fram samþykki þeirra til að flytja sjálfviljug til baka. Þetta er ólögmæt þvingunaraðgerð samkvæmt alþjóðalögum.
Sýrland er langt frá því að vera öruggt land. Borgarar sem snúa aftur á svæði undir stjórn sýrlenska ríkisins þurfa að fá heimild sem felur meðal annars í séryfirheyrslu af hálfu sýrlensku öryggissveitarinnar. Öryggissveit Sýrlands ber ábyrgð á víðtækum og skipulögðum mannréttindabrotum, þar á meðal pyndingum, þvinguðum mannhvörfum og aftökum án dóms og laga.
SMS félagar krefjast þess að utanríkisráðherra Danmerkur, Mathias Tesfaye, snúi við ákvörðunum um endursendingar sýrlensks flóttafólks og endurnýji landvistarleyfi þeirra.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu