SMS
15. október 2020Grikkland: verndum flóttafólk í Moria
Eldarnir sem komu upp í flóttamannabúðum í Moria hafa gert aðstæður verri fyrir þúsundir flóttafólks sem nú hafa lélegt aðgengi að vatni, mat og heilbrigðisþjónustu. Margir hafa misst eigur sínar, meðal annars mikilvæg skjöl er varða umsóknir þeirra um alþjóðlega vernd. Eldra fólk, fólk í viðkvæmum hópum, börn, óléttar konur og fleiri eru meðal þeirra sem nauðsynlega vantar hjálp.
Grísk stjórnvöld verða að gera nauðsynlegar ráðstafanir strax og koma flóttafólki og umsækjendum um alþjóðlega vernd í öruggt skjól.
Aðstæður fyrir flóttafólk og umsækjendur um alþjóðlega vernd á þessu svæði hafa verið ómannúðlegar í mörg ár. Þegar eldarnir hófust bjuggu þar um 12.500 einstaklingar þrátt fyrir að gert væri ráð fyrir að svæðið tæki við færri en 3000 einstaklingum. Hreinlætisaðstaða var léleg, aðgengi að heilbrigðisþjónustu var ófullnægjandi og það hefur með engu móti verið hægt að fylgja almennum sóttvarnartilmælum vegna kórónuveirufaraldursins. Á síðustu vikum hafa einstaklingar á svæðinu greinst með sjúkdóminn.
Skráðu þig í sms-aðgerðanetið hér! Sendu svo AKALL í númerið 1900 til að skrifa undir málið.
Grísk stjórnvöld verða að setja það í forgang að draga úr mannmergð á grísku eyjunum. Aðildaríki Evrópusambandsins þurfa að stórauka móttöku umsækjenda um alþjóðlega vernd.
Sms-félagar krefjast þess að forsætisráðherra Grikklands, Kyriakos Mitsotakis veiti strax fullnægjandi heilbrigðisþjónustu á svæðinu, komi þessum einstaklingum til meginlands Grikklands og áfram til annarra landa.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu