SMS
6. október 2021Íranskur kúrdi í hættu á aftöku
Fanginn Heidar Ghorbani, íranskur kúrdi, á yfir höfði sér aftöku fyrir „vopnaða uppreisn gegn ríkinu” þrátt fyrir ósanngjörn réttarhöld og það að dómurinn yfir honum hafi staðfest að hann hafi aldrei verið vopnaður. Í ágúst 2021 hafnaði hæstiréttur Íran beiðni um endurupptöku. Dómurinn er byggður á þvingaðri játningu.
Taktu þátt í starfi Amnesty og skráðu þig í sms-aðgerðanetið hér!
Í september 2020 fór lögfræðingur Heidars fram á að eftirlitsvald dómstóla færi yfir málið vegna þess að það stenst hvorki írönsk lög né Sharia lög.
Heidar Ghorbani hefur neitað því að vera meðlimur í kúrdískum stjórnarandstöðuhópi (e. Kurdréish Democratic Party of Iran) og Amnesty International hefur ekki fundið neinar sannanir gegn því í máli hans.
Heidar var handtekinn í október 2016 þegar tíu útsendarar leyniþjónunstunnar réðust inn á heimili hans án heimildar. Í um þrjá mánuði fékk fjölskylda hans engar upplýsingar og vissi ekki hvort hann væri á lífi.
Hann fékk loks að hafa samband við fjölskyldu sína í janúar 2017 en staðsetningu hans var haldið leyndri. Í apríl sama ár var hann fluttur í fangelsi í Sanandaj. Síðar sagði Heidar frá því að hann hafði m.a. verið í einangrun í nokkra mánuði. Þar var hann ítrekað pyndaður, beittur ofbeldi og sviptur svefni. Síðar birti írönsk sjónvarpsstöð í eigu ríkisins áróðursmyndband um hann.
Amnesty fordæmir dauðarefsingar og er alfarið á móti þeim í öllum tilfellum undir öllum kringumstæðum. Amnesty fer fram á að öll ríki heims, þar á meðal Íran, afnemi dauðarefsingar.
Samkvæmt alþjóðalögum verða málaferli að fylgja nákvæmum réttarreglum, sérstaklega þegar mál varða dauðarefsingar. Allir einstaklingar sem eiga í hættu á að hljóta dauðadóm verða að hafa aðgang að lagalegri aðstoð á öllum stigum málaferlanna
Sms-félagar krefjast þess að aftaka Heidar Ghorbani verði stöðvuð, að dauðadómur yfir honum verði felldur úr gildi og að hann fái sanngjörn réttarhöld.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu