SMS
19. júní 2024Khaled Al Serr er palestínskur skurðlæknir sem var handtekinn þann 24. mars 2024 á Nasser-sjúkrahúsinu í suðurhluta Gaza af ísraelska hernum. Honum hefur verið haldið í leynilegu varðhaldi. Það telst þvingað mannshvarf sem er brot á alþjóðlegum lögum. Í rúma tvo mánuði hafa ísraelsk yfirvöld haldið staðsetningu hans og afdrifum leyndum. Þær brotakenndu upplýsingar sem fjölskylda hans hefur fengið koma frá samstarfsfólki hans og föngum sem hafa verið leystir úr haldi.
Þvingað mannshvarf Khaled Al Serr er hluti af árásum Ísraels á heilbrigðisstarfsfólk og heilbrigðiskerfið á Gaza. Í stríðsátökum ber að virða og vernda störf heilbrigðisstarfsfólks. Það má aldrei með ráðnum hug gera það að skotmarki. Eftir því sem Amnesty International kemst næst var Khaled Al Serr aðeins að sinna störfum sínum sem læknir. Hann valdi að halda áfram að sinna sjúklingum sínum þrátt fyrir að ísraelski herinn hefði umkringt sjúkrahúsið þar sem hann starfaði.
Samkvæmt Alþjóðaheilbrigðismálastofnuninni (WHO) hafa ísraelsk yfirvöld handtekið 214 heilbrigðisstarfsmenn við störf frá því í nóvember 2023.
SMS-félagar krefjast þess að ísraelsk yfirvöld leysi Khaled Al Serr lækni tafarlaust úr haldi. Fram að því verða þau að veita upplýsingar um hvar hann er og leyfa honum að hitta fjölskyldu sína, lögfræðing og lækni.
Auk þess er krafist að annað heilbrigðisstarfsfólk frá Gaza sem einnig hefur sætt þvinguðu mannshvarfi verði leyst úr haldi nema það fái sanngjörn réttarhöld og verði ákært fyrir glæpi sem eru skilgreindir í alþjóðalögum.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu