Fréttir
17. apríl 2020Þann 11. mars 2020 lýsti Alþjóðaheilbrigðismálastofnunin því yfir að kórónuveirufaraldurinn væri orðinn að heimsfaraldri og skoraði á ríki heims að grípa til brýnna aðgerða til að bregðast við honum. Flest ríki Evrópu hafa gripið til harðra aðgerða í tilraun sinni til að stöðva útbreiðslu kórónuveirufaraldursins og takast á við aukið álag á heilbrigðiskerfið.
Amnesty International hefur nú gefið út tilmæli sem geta þjónað sem leiðbeiningar í ráðstöfunum stjórnvalda í baráttu sinni við þennan heimsfaraldur.
Mynd: NurPhoto via Getty Images
Ríkjum ber skylda til að vernda rétt allra til heilbrigðis
Mannréttindi verða að vera þungamiðjan, allt frá upphafi, í öllum aðgerðum stjórnvalda sem miða að forvörnum, viðbúnaði, afmörkunum og meðferðarúrræðum, til að vernda heilsu almennings sem best og styðja við viðkvæma hópa og einstaklinga sem eru í mestri áhættu.
Allir eiga í hættu á að smitast af kórónaveirunni en sumir hópar eru útsettari en aðrir fyrir smiti. Einstaka forvarnarráðstafanir ríkja geta leitt til óbeinnar mismununar gagnvart ákveðnum hópum og einstaklingum sem ekki geta fylgt tilmælunum eftir vegna efnahags- eða félagslegra ástæðna.
Enn fremur geta takmarkanir á ferðafrelsi sett börn í sérstakan áhættuhóp og enn fremur haft kynbundin áhrif þar sem konur sem búa við heimilisofbeldi neyðast oft til að einangra sig heima við með geranda sínum.
Lögregluaðgerðir sem eiga að tryggja að takmörkunum sem ríki setja sé fylgt eftir, eru líklegar til að bitna óhóflega á minnihlutahópum og þjóðarbrotum í Evrópu, sem þegar þurfa að þola að vera krafin um skilríki án ástæðu og ólögmæta valdbeitingu.
Amnesty International tekur ekki afstöðu til hvers konar úrræða stjórnvöld ættu að grípa til á meðan kórónuveirufaraldurinn gengur yfir, en þau ættu að tryggja að allar ráðstafanir séu í samræmi við viðurkennda og rótgróna vernd mannréttinda.
Íslandsdeild Amnesty International leggur áherslu á að ríkisstjórn Íslands og sveitarfélög landsins taki höndum saman til að tryggja vernd viðkvæmustu hópa samfélagsins á tímum kórónuveirufaraldursins.
Tilmæli Amnesty International, Europe at crossroads, DOs and DON’Ts for authorities when responding to the COVID-19 pandemic, geta þjónað sem leiðbeiningar í ráðstöfunum stjórnvalda í baráttu sinni við þennan heimsfaraldur.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu