SMS
16. desember 2021Þann 3. ágúst 2021 lést José Eduardo Ravelo af innvortis blæðingum. Hann hafði sagt móður sinni að lögregla hafði pyndað sig í varðhaldi dagana áður í Mérida, í Yucatán héraði í Mexíkó. Skrifstofa saksóknara lýsti því yfir, áður en að rannsókn hófst að hvorki pyndingar né önnur ill meðferð hefði átt sér stað.
Taktu þátt í starfi Amnesty og skráðu þig í sms-aðgerðanetið hér!
Nokkrum dögum eftir að móðir José sagði sögu hans í fjölmiðlum kom tilkynning frá yfirvöldum um að ungur maður hefði verið hnepptur í varðhald vegna óspekta á almannafæri þar sem hann var undir áhrifum vímuefna.
Í ágúst lét dómari kærur niður falla gegn fjórum lögregluþjónum sem höfðu upphaflega verið ákærðir fyrir morð, nauðgun og pyndingar á José Eduardo, og sagði að ekki væru nægar sannanir til að sækja málið.
Málið fór frá saksóknara Yucatan héraðsins yfir til deildar sem sérhæfir sig í pyndingum á skrifstofu ríkissaksóknara. Samkvæmt upplýsingum sem Amnesty International býr yfir hafa saksóknarar sem nú fara með málið neitað að fara eftir handbók Sameinuðu Þjóðanna um árangursríka rannsókn og skráningu á pyndingum og annarri grimmilegri, ómannlegri og vanvirðandi meðferð eða refsingu (e. Instanbul Protocol).
Í dag er enn óvíst hverjar orsakirnar eru fyrir og hver ber ábyrgð á andláti José.
Amnesty International hefur lengi skráð mannréttindabrot sem framkvæmdar eru við handtökur og í varðhaldi af valdhöfum í Mexíkó. Árið 2017 gaf Amnesty út skýrsluna False suspicions: Arbitrary detentions by police in Mexico. Ítrekað hefur verið lýst yfir áhyggjum vegna ofbeldis og misbeitingu valds hjá lögreglu í Mexíkó.
SMS-félagar krefjast þess að saksóknari framkvæmi ítarlega og sjálfstæða rannsókn á öllum þeim glæpum sem framkvæmdir voru gegn José Eduardo og tryggi réttlæti fyrir móður hans.
Lestu einnig
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu