SMS
9. mars 2021Pakistan: Kristið par á dauðadeild fyrir guðlast
Shagufta Kausar og Shafqat Emmanuel eiga yfir höfði sér aftöku fyrir að senda smáskilaboð á klerk sem túlkuð voru sem guðlast. Skilaboðin komu úr síma skráðum á þeirra nafn en parið hefur neitað allri sök. Þau hafa verið í haldi síðan 2013 og voru dæmd til dauða í apríl 2014. Áfrýjun í málinu átti að fara fyrir dómstól í apríl 2020 en var frestað vegna heimsfaraldursins.
Taktu þátt í starfi Amnesty og skráðu þig í sms-aðgerðanetið hér!
Dómarar hafa yfirgefið réttarsalinn í bæði skiptin sem fyrirtaka áfrýjunar í máli þeirra átti að fara fram vegna þess að þeir sögðu vinnutíma sínum væri lokið. Gögn Amnesty International sýna að þetta sé algengt í málum þar sem fólk er dæmt fyrir guðlast. Dómarar víkja sér undan málinu þar sem þeir vilja ekki hreinsa nöfn þeirra ákærðu. Mál af þessu tagi geta tekið mörg ár í réttarkerfi Pakistan.
Lög um guðlast í Pakistan eru mjög óskýr og þeim fylgja þungar refsingar, jafnvel dauðadómur. Þessi lög brjóta gegn alþjóða mannréttindalögum. Dómarar eru beittir þrýstingi, þeim hótað og eiga sjálfir í hættu á að verða dæmdir fyrir guðlast ef þeir dæma þá ákærðu ekki seka.
Amnesty International fordæmir í öllum tilfellum dauðarefsinguna án undantekninga.
SMS–félagar krefjast þess að Shafqat og Shagufta verði leyst úr haldi tafarlaust.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu