SMS
10. janúar 2022Venesúela: Leysið samviskufanga úr haldi
Javier Tarazona, framkvæmdastjóri félagasamtakanna FundaREDES var handtekinn að geðþótta í júlí 2021 eftir tilraun til að tilkynna áreiti af hálfu öryggisvarða á skrifstofu ríkissaksóknara. Hann var ákærður fyrir etja til haturs, föðurlandssvik og hryðjuverk. Eftir fimm mánaða töf var málið loks tekið fyrir hjá dómstólum. Heilsu Javier hefur hrakað þar sem hann fær ekki viðunandi læknismeðferð. Hann er með háþrýsting, sykursýki og eftirköst vegna Covid-19.
FundaREDES eru mannréttindasamtök í Venesúela. Samtökin skrásetja og miðla fréttum af mannréttindabrotum í landinu. Undanfarið hafa þau einbeitt sér að fylkinu Apure í suðurhluta Venesúela þar sem yfirvöld eiga í átökum við skæruliðahreyfinguna FARC.
Síðan í byrjun 2021 hefur bylgja árása gegn mannréttinda- og aðgerðasinnum riðið yfir. Alþjóðlegt samstarf hefur verið gert refsivert og þöggunartilburðir yfirvalda áberandi. Þessar árásir hafa líka haft áhrif á sjálfstæða fjölmiðla í landinu.
Á síðasta ári kom út skýrsla á vegum Sameinuðu þjóðanna þar sem skrásett voru hundruð tilfella mannréttindabrota af hálfu yfirvalda frá árinu 2014: aftökur, þvinguð mannshvörf, handtökur að geðþótta, pyndingar og önnur slæm meðferð. Í skýrslunni kemur fram að þessi mannréttindabrot megi mögulega skilgreina sem glæpi gegn mannkyni.
Sms-aðgerðasinnar krefjast þess að stjórnvöld í Venesúela leysi Javier Tarazona strax úr haldi skilyrðislaust.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu