SMS
6. nóvember 2020Víetnam: Baráttukona fyrir mannréttindum í hættu á að vera pynduð
Baráttukonan Pham Thi Doan Trang var handtekin þann 6. október 2020 fyrir friðsamar aðgerðir og er í einangrun. Hún á yfir höfði sér 20 ára fangelsi og er í hættu á að sæta pyndingum. Doan Trang er höfundur og blaðakona sem hefur verið ötull talsmaður mannréttinda. Undanfarin ár hefur hún orðið fyrir endurtekinni áreitni, hótunum og árásum af hálfu yfirvalda.
Taktu þátt í starfi Amnesty og skráðu þig í sms-aðgerðanetið hér!
Stjórnvöld staðfestu að hún sé ákærð fyrir að brjóta lög sem banna það að búa til, geyma eða dreifa upplýsingum gegn ríkinu í Víetnam. Verði hún fundin sek getur hún átt yfir höfði sér 20 ára fangelsisdóm.
Hún hefur skrifað og gefið út bækur um stjórnmál í Víetnam. Hún hefur einnig rannsakað og skrifað fjölda skýrslna um mannréttindabrot þar í landi. Að auki hefur hún sem áhrifavaldur vakið athygli á mannréttindabrotum á samfélagsmiðlum.
Sms-félagar krefjast þess að Pham Thi Doan Trang verði leyst úr haldi án tafar.
Doan Trang hefur margoft sætt varðhaldi að geðþótta frá árinu 2015 og verið yfirheyrð af lögreglumönnum sérsveitarinnar. Vegna þessa hefur hún þurft að flýja heimili sitt og hefur ekki verið á sama stað lengur en mánuð í senn. Hún hefur líka sætt pyndingum af hálfu lögreglu. Hvergi í Suðaustur-Asíu er jafn algengt að handtaka friðsama mótmælendur og í Víetnam. Aðstæður í fangelsum eru slæmar, sérstaklega fyrir pólítíska fanga. Pyndingum og annarri illri meðferð er oft beitt.
Víetnam ber skylda að verja baráttufólk fyrir mannréttindum og tryggja að það geti unnið í öruggu umhverfi.
Lestu meira um stöðu tjáningarfrelsis í Víetnam hér.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu