Allt frá árinu 1987 hefur 17. október verið helgaður baráttunni gegn fátækt. Á þessum degi söfnuðust hundruð þúsunda manna saman á Trocadéro torginu í París til að sýna fórnarlömbum sárrar fátæktar og hungurs stuðning. Skilaboðin voru skýr.

Alþjóðlegur dagur gegn fátækt hefur verið haldinn frá árinu 1987. Megináhersla alþjóðadagsins þetta árið er að tryggja að fólk sem lifir í fátækt hafi eitthvað að segja í málum er snerta líf þeirra og hagsmuni.

Í tilefni af alþjóðlegum baráttudegi gegn fátækt þann 17. október ætlar Íslandsdeild Amnesty International að standa fyrir sýningu myndarinnar, Human Needs, Human Rights í Hinu Húsinu, Pósthússtræti 3-5. Sýning myndarinnar hefst klukkan 20:00 og stendur yfir í hálftíma. Aðgangur er ókeypis og allir velkomnir.

Í október 2008 mun þriðja nefnd allsherjarþings Sameinuðu þjóðanna fjalla um dauðarefsinguna og innleiðingu ályktunar allsherjarþingsins frá 2007 þar sem hvatt er til þess að allar þjóðir hætti þegar í stað að taka fólk af lífi.

Hosni Mubarak forseti Egyptalands hefur náðað Ibrahim Eissa, ritstjóra egypska dagblaðsins Al-Dustour. Eissa var ákærður fyrir að birta upplýsingar sem stjórnvöld telja „skaðleg almannahagsmunum og stöðugleika í Egyptalandi“.

Áfrýjunarréttur í Agadir í Marokkó snéri þann 18. september við tveggja ára fangelsisdómi undirréttar yfir bloggaranum Mohamed Erraji. Undirrétturinn hafði dæmt hann fyrir „virðingarleysi við konunginn“.

Staða frjálsra fjölmiðla í Rússlandi veldur víða áhyggjum en hagsmunaaðilar tengdir ríki og valdablokkum í landinu hafa tangarhald á fjölmiðlum.

Rússneski blaðamaðurinn og umhverfissinninn Grigory Pasko er væntanlegur til landsins þann 4.október næstkomandi en hann kemur í boði Íslandsdeildar Amnesty International.

Þrír menn voru teknir af lífi í Japan fimmtudaginn 11. september. Amnesty International hefur farið fram á það við stjórnvöld í landinu að þau hætti aftökum þegar í stað.

Argentína hefur nýlega lagt afnámi dauðarefsingarinnar enn frekara lið með tveimur mikilvægum skrefum. Þau skref koma í kjölfar afnáms dauðarefsingarinnar í landinu.

Hinn 6. desember árið 2006 var samþykkt á allsherjarþingi Sameinuðu þjóðanna ályktun 61/89, en með henni var hrundið af stað ferli sem miðar að gerð alþjóðasáttmála um vopnaviðskipti.

Árið 2007 sendu félagar í Amnesty International meira en 11.000 origami hegra til yfirvalda í Hvíta-Rússlandi. Ungir félagar í Amnesty International í Mexíkó bjuggu til risastóran origami hegra sem einnig var sendur til innanríkisráðuneytis Hvíta-Rússlands. Hegrarnir voru hluti af alþjóðlegri herferð sem hvatti lausnar ungs baráttumanns fyrir mannréttindum, Zmitser Dashkevich, en hann var dæmdur í eins og hálfs árs fangelsi fyrir að „skipuleggja eða taka þátt í aðgerðum óskráðra félagasamtaka“.