Á síðasta ári tók fjöldi Íslendinga þátt í alþjóðlegri aðgerð þar sem þrýst var á fylkisstjóra á óseyrum Nígerfljóts að náða Moses, ungan pilt frá Nígeríu, sem var pyndaður og dæmdur var til dauða með hengingu eftir átta ár í fangelsi.

Í nýrri og ítarlegri samantekt Amnesty International koma fram margvísleg sönnunargögn um áframhaldandi stríðsglæpi, þeirra á meðal pyndingar og skyndiaftökur á föngum, sem eiga sér stað á degi hverjum í Austur-Úkraínu. 

Vegna fjölda fyrirspurna viljum við benda ykkur á að hægt er að heita á Íslandsdeild Amnesty International í Reykjavíkurmaraþoninu í sumar. Smelltu hérna til að skrá þig og/eða safna áheitum í alþjóðlegri baráttu samtakanna gegn pyndingum. Fjórir einstaklingar hafa nú þegar heitið á samtökin og hvetjum við alla til styrkja þau til góðs eða skrá sig í maraþonið og hlaupa í þágu samtakanna. Hlauptu undir bagga með mannréttindum í sumar!

Þann 27. mars afhenti starfsfólk Amnesty International á Filippseyjum undirskriftir frá bréfamaraþoninu 2014 til lögreglunnar þar í landi. Strax eftir afhendingu bárust Jerryme og fjölskyldu hans þær fregnir frá lögreglunni að rannsókn yrði sett af stað líkt og Amnesty International kallaði eftir.

Almenn andstaða er í heiminum gegn eftirliti Bandaríkjanna á net- og símanotkun samkvæmt stórri alþjóðlegri könnun sem Amnesty International lét gera. 

Fyrir skemmstu barst Marrit sem tók þátt í bréfamaraþoninu á Íslandi bréf frá Chelsea Manning þar sem hún þakkar heilshugar fyrir stuðninginn og greinir m.a. frá því að fangelsið hafi bókstaflega fyllst af kortum og bréfum henni til handa. 

Heimspekistofnun Háskóla Íslands og Íslandsdeild Amnesty International standa að heimspekispjalli um mannréttindi mánudaginn 20. apríl kl. 20 í Hljóðbergi Hannesarholts, að Grundarstíg 10, 101 Reykjavík. 

Í 19 ár fékk ThankGod Ebhos sjaldnast fullan nætursvefn. Nótt eftir nótt, þar sem hann lá á teppi í litlum klefa í Benin-fangelsinu í Suður-Nígeríu, fékk hann óhugnanlegar endurteknar martraðir um að fangelsisvörður kæmi bankandi á dyr hans til að fara með hann hálfsofandi að gálganum, setti reipi um háls hans og hengdi hann. Í júní 2013 varð það hættulega nálægt því að verða að veruleika.

Dauðarefsingin 2014: ógnvænleg aukning á dauðadómum – ríkisstjórnir ákváðu víða að grípa til dauðarefsingarinnar til að berjast gegn glæpum og hryðjuverkum. 

Eftir rúmlega tveggja áratuga baráttu tók alþjóðlegur vopnaviðskiptasamningur loks gildi eftir að 130 lönd höfðu skrifað undir og 62 lönd fullgilt hann. Ísland varð fyrst ríkja heims til að fullgilda samninginn.

Ríkisstjórnir um heim allan og aðrir ráðandi aðilar keppast við að setja takmarkanir á einkalíf okkar sem við ættum að hafa fullan sjálfsákvörðunarrétt yfir, m.a. um kynhneigð okkar, kynlíf, náin sambönd og getnaðarvarnir.   Amnesty International hefur gefið út yfirlýsingu í sjö liðum til að standa vörð um kyn- og frjósemisréttindi okkar. 

Tveimur áratugum eftir að tímamótasáttmáli var samþykktur á alþjóðavísu um jafnrétti kvenna hefur hættuleg afturför átt sér stað í réttindamálum kvenna og stúlkna.