Justine Ijeomah framkvæmdastjóri mannréttindasamtaka í Port Harcourt í Nígeríu, heldur erindi í hátíðarsal Norræna hússins mánudaginn 27. október klukkan 12:00

Í dag er alþjóðlegur baráttudagur gegn dauðarefsingu og af því tilefni vekur Amnesty International athygli á uppteknum hætti ýmissa ríkja að dæma til dauða og taka af lífi fólk með þroskahömlun og/eða  geðfötlun, í trássi við alþjóðlegar reglur. Amnesty International hefur skráð tilfelli þar sem fólk með þroskahömlun og geðfötlun hefur verið dæmt til dauða eða tekið af lífi í löndum eins og Japan, Pakistan og Bandaríkjunum.

Vernd fyrir milljónir manna er búa við hörmungar sem rekja má til bágborins eftirlits á vopnaflutningi er í nánd. Átta ríki; Argentína, Tékkland, Senegal, Úrúgvæ, Portúgal, Sankti Lúsía og Bosnía-Hersegóvína afhentu nýlega aðalritara Sameinuðu þjóðanna staðfestingu um fullgildingu þeirra á alþjóðasamningi um vopnaviðskipti.

Spænsk stjórnvöld felldu nýverið grimmilegt frumvarp til laga sem setja átti fóstureyðingum í landinu mjög þröngar skorður, er ógnað hefði heilsu, lífi og reisn kvenna og stúlkna.

Amnesty International gaf nýverið út skýrslu sem ber heitið On the Brink of Death: Violence Against Women and the Abortion Ban in El Salvador. Meginniðurstaða skýrslunnar er sú að á hverju ári er brotið á mannréttindum hundraða kvenna og stúlkna í El Salvador fyrir tilstuðlan fortakslauss banns við fóstureyðingum sem bundið var í landslög árið 1998.

Tyrknesk yfirvöld verða að tryggja að landamæri landsins séu opin fyrir þá sem flýja átök og mannréttindabrot í Sýrlandi og Írak. Tyrkland hóf að loka landmærum sínum við Sýrland eftir að 130.000 kúrdískir flóttamenn streymdu inn í landið fyrir stuttu á flótta frá ásókn vopnaðs hóps sem kallar sig Íslamska ríkið.

Samkvæmt nýrri skýrslu Amnesty International sem ber heitið Welcome to hell fire: Torture and other ill-treatment in Nigeria, pynda lögregla og her í Nígeríu kerfisbundið konur, menn og börn allt niður í 12 ára gömul. 

Íslandsdeild Amnesty International fagnar 40 ára afmæli sínu mánudaginn 15. september. Í tilefni dagsins bjóða samtökin félögum sínum og velunnurum að njóta með sér afmælisdagskrár á milli klukkan 17 og 19 í Hljóðbergi í Hannesarholti.

Miðvikudaginn 10. september mun ungliðahreyfing Íslandsdeildar Amnesty standa fyrir nýliðafundi í húsakynnum sínum að Þingholtsstræti 27. Þar munum við kynna starfsemi ungliðahreyfingarinnar og segja frá áherslum vetrarins.

Í rúmlega fimm áratugi hefur Amnesty International rannsakað og skrásett pyndingamál í Mexíkó.

Hræðileg upptaka sem sýnir aftöku af hendi vopnaðs hóps á fótboltavelli í austurhluta Líbíu er skýrt dæmi um getuleysi yfirvalda við að koma í veg fyrir öldu ofbeldis og lögleysu, að sögn Amnesty International.

Fyrir stuttu gerðist sá fágæti atburður í Kína að fangi sem hafði verið dæmdur til dauða var sýknaður en hann hafði þurft að sæta sex ára fangelsisvist á meðan hann fór í gegnum nokkrar áfrýjanir.